بھارت بند عوام کو گمراہ کرنے کی کوشش: یڈیورپا

Source: S.O. News Service | By Shahid Mukhtesar | Published on 10th September 2018, 9:30 PM | ریاستی خبریں |

بنگلورو،10؍ستمبر(ایس اونیوز) پیٹرول اور ڈیزل کی قیمتوں میں اضافے کے بہانے آنے والے لوک سبھا انتخابات پر نظر رکھ کر کانگریس ملک کے عوام کو گمراہ کرنے میں لگی ہوئی ہے۔یہ بات آج ریاستی بی جے پی صدر بی ایس یڈیورپا نے کہی۔

انہوں نے کہاکہ کانگریس ایک ڈوبتی کشتی ہے، اس بند کے سہارے سے وہ ساحل تک آنا چاہتی ہے۔ انہوں نے کہاکہ عوام کی جائز مانگوں پر بند کے اہتمام میں کوئی حرج نہیں ہے، لیکن برسر اقتدار سیاسی جماعتوں کو بند کی تائید نہیں کرنی چاہئے۔ یہ حرکت سپریم کورٹ کی حکم عدولی کے مترادف ہے۔

انہوں نے کہا کہ پیٹرول اور ڈیزل کی قیمتوں میں اضافے کے متعلق کانگریس قائدین عوام کو گمراہ کرنے میں لگی ہوئی ہیں ، تیل کی قیمتوں کاتعین ملک میں نہیں بلکہ بین الاقوامی بازاروں میں ہوتاہے، پچھلے چودھ ماہ کے دوران خام تیل کی قیمتوں میں73 فیصد اضافہ ہوا ہے، جبکہ مرکزی حکومت نے صرف 29 فیصد قیمتوں میں اضافہ کیا ہے، فی بیرل خام تیل 28 ڈالر سے بڑھ کر 79 ڈالر ہوچکا ہے، اس کی مناسبت سے قیمتوں میں اضافہ کیا جاتا تو کافی زیادہ ہوتا۔ انہوں نے کہاکہ فی لیٹر پیٹرول پر مرکزی حکومت صرف 6.66 روپے سیس وصول کرتی ہے، جبکہ ریاستی حکومتیں 25روپے وصول کرتی ہیں، پھر بھی مرکزی حکومت کو اضافے کے لئے مورد الزام ٹھہرانا کہاں تک درست ہے۔ انہوں نے الزام لگایا کہ کانگریس حقائق پر پردہ ڈال کر ملک کے عوام کو گمراہ کرنے کی کوشش کررہی ہے، لیکن اس میں کامیاب نہیں ہوگی۔
 

ایک نظر اس پر بھی

کورونا اَپ ڈیٹ:اڈپی ضلع کے تین پولیس اسٹیشنوں کو کیا گیا سیل ڈاؤن۔کارکلا،ہلیال اور برہماور میں پولیس افسران اور اہلکارآئے کووِڈ 19کی زد میں 

اڈپی ضلع میں کووِڈ وباء کا قہر کا کچھ زیادہ ہی بڑھتا ہوا محسوس ہورہا ہے۔ اب تک ممبئی اور خلیج سے واپس لوٹنے والوں میں مرض پائے جانے کی وجہ سے یہاں مریضوں کا گراف بڑھتا جارہا تھا۔ لیکن اب ایسا لگتا ہے کہ پولیس افسران اور اہلکار بھی اس کی زد میں آ گئے ہیں۔

بنگلورو میں کل بروز پیر 25؍ مئی کو عید الفطرمنائی جائے گی

مرکزی رو ئیت ہلال کمیٹی کر نا ٹک کے رکن مولانا محمد مقصود عمران رشادی نے یہ اطلاع دی ہے کہ آج مؤرخہ29 رمضان المبارک 1441ھ م 23مئی 2020 ؁ ء بروز ہفتہ مرکزی رؤیت ہلال کمیٹی کرناٹک،بنگلورو کا ماہانہ اجلاس زیر صدارت حضرت مولانا صغیر احمد خان صاحب رشادی کنوینر مرکزی رو ئیت ہلال کمیٹی امیر ...

کرناٹک میں کورونا کا قہر، ایک ہی دن 216 کورونا وائرس سے متاثر۔ یادگیر میں سب سے زیادہ 72 کیس، متاثرین کی کُل تعداد 1959

ملک بھر میں کورونا کاقہر جاری ہے، ریاست کرناٹک میں بھی کورونا وائرس کا خوفناک پھیلاؤ رکنے اور تھمنے کا نام نہیں لے رہا ہے، ہر گزرتے لمحے اور دن کے ساتھ کورونا وائرس کے نئے معاملات میں اضافہ ہی ہوتا جارہا ہے۔

کووِڈ کے علاج میں ایک نئی پیش رفت۔ کینسر اسپتال کے ڈاکٹروں نے تلاش کیا ایک نیا طریقہ۔ تجرباتی مرحلے پر ہورہا ہے کام!

سر اور گلے کے کینسر اورروبوٹک سرجری کے ماہر ڈاکٹر وشال راؤ کا کہنا ہے کہ ایچ سی جی کینسر اسپتال میں کووِڈ 19کے علاج کے لئے ڈاکٹروں نے ایک نئے طریقے پر کام کرنا شروع کیا ہے جس میں خون کے اندر موجود سائٹوکینس نامی ہارمون کا استعمال کیا جائے گا۔

کرناٹک میں ایک ہی دن میں 138 ؍افراد کورونا وائرس سے متاثر۔چکبالاپور میں سب سے زیادہ47 معاملات، متاثرین کی تعداد بڑھ کر ہوگئی 1743

ملک بھر میں کورونا کاقہر جاری ہے، ریاست کرناٹک میں بھی کورونا وائرس کا خوفناک پھیلاؤ رکنے اور تھمنے کا نام نہیں لے رہا ہے، ہر گزرتے لمحےاور دن کے ساتھ کورونا وائرس کے نئے معاملات میں اضافہ ہی ہوتا جارہا ہے۔