بھٹکل:انجمن انجنئیرنگ کالج میں انجمن الومنی کے ساتھ کالج ترقی پر غوروفکر:8سے زائد ریاستوں کے طلباشریک
بھٹکل:13/اگست (ایس اؤنیوز)انجمن انجنئیرنگ کالج بھٹکل سے فارغ قدیم طلبا انجمن الومنی کی بروز سنیچر کی صبح کالج پرنسپال کے چیمبر میں خیرسگالی اور کالج میں تعلیمی ترقی کے متعلق میٹنگ کا انعقاد ہوا۔
دہلی، آندھرا پردیش ،تمل ناڈو، کیرلا ، سمیت ریاست کے مختلف مقامات سے تشریف فرما 25-30ممبران نے میٹنگ میں کالج میں بہتر تعلیمی کو مزید فروغ دینے اور طلبا کو زیادہ سہولیات فراہم کرنے کے متعلق غور وفکر ہوا، اس موقع پر انجمن الومنی نے کالج احاطہ میں کینٹین کے لئے جدید عمارت تعمیر کر نے کے لئے معاشی تعاون ، غریب اور ضرورت مند طلبا کو انجنئیرنگ کی تعلیم کے لئے معاشی سہولیات سمیت کئی ایک طرح کا اپنی طرف سے تعاون دینے کی بات کہی۔ اور الومنی کے ممبران نے کالج کے مختلف شعبہ جات کا دورہ کرتے ہوئے کالج ترقی پر مسرت کا اظہار کیا۔ اس موقع پر کالج سکریٹری ابوبکر قاسمجی ، سابق سکریٹری عبدالرحمن صدیقی ، کالج پرنسپال ڈاکٹر مشتاق احمد بھاوی کٹی،تعلیمی ڈائرکٹر ادئیے پرسنا وغیرہ موجود تھے۔