ودھان سودھا دفتر میں تنویر سیٹھ کو دھمکی ،شانتا راج سمیت9افراد پولیس کے مہمان
بنگلور:12؍اپریل (ایس اونیوز) تعلیمی شعبہ میں بہت ساری تبدیلیاں لاتے ہوئے نظام تعلیم کو مضبوط کرنے میں سرگرم ریاستی وزیر تعلیم کو جان سے مارنے کی دھمکی دیئے جانے کی اطلاع ہے۔تفصیلات کے مطابق ودھان سودھا میں واقع ابتدائی و قانونی تعلیم کے وزیر تنویر سیٹھ کے دفتر میں گھس کر دھمکی دینے کا واقعہ منگل کے دن رونما ہوا۔ اس ضمن میں 9افراد کو گرفتار کر لیا گیا ہے۔ودھان سودھا پولیس تھانے میں میسور کے شانتا راج و دیگر 8افراد کے خلاف وزیر تعلیم کے پرسنل سکریٹری روی کمار نے ایف آئی درج کروایا ہے۔ کل شام 4:30بجے کے قریب ودھان سودھا کے کمرہ نمبر262کو ملزمین آنے اور وزیر تعلیم کے ساتھ ناشائستہانداز میں گفتگو کر تے ہوئے انتہائی برا انداز اختیار کیا۔ دائر شکایت میں کیا گیا ہے کہ شانتا راج نے وزیر تعلیم کو جان سے مارنے کی دھمکی بھی دی ہے۔اس کی وجہ یہ ہے کہ حال ہی میں پی یو لکچرر کے خالی عہدوں پر1203امیدواروں کی تقرراتی کا حکمنامہ محکمہ پرائمری و ہائی ایجوکیشن سے جاری ہوا تھا۔ عرضی گزار گریجویٹس کیلئے 55فی صد نمبرات سے کامیابی لازمی قرار دیا گیا تھا۔ اس سے قبل درج فہرست ذات و درج فہرست قبائل کے امیدواروں کے لئے5فی صد کی رعایت دی جاتی رہی ہے۔پی یو لکچرر کی تقرراتی میں اس رعایت کو ملحوظ نہ رکھتے ہوئے ایس ٹی ایس سی طبقات کے ساتھ ناانصافی کی گئی ہے کہتے ہوئے ملزموں نے اول فول بکنے لگے، انتہائی ناشائستہ ونازیبا الفاظ استعمال کرتے ہوئے وزیر تعلیم تنویر سیٹھ کی توہین کی۔ وزیر تعلیم کی توہین کی مذمت کرتے ہوئے میسور و دیگر علاقوں میں احتجاج بھی کیا گیاہے۔