کھٹوا اور اناؤ عصمت ریزی واقعات کے خلاف بنگلورو میں مظاہرہ

Source: S.O. News Service | By Shahid Mukhtesar | Published on 14th April 2018, 11:54 AM | ریاستی خبریں | ان خبروں کو پڑھنا مت بھولئے |

بنگلورو،13؍اپریل(ایس او نیوز) جموں وکشمیر کے کھٹوا اور اترپردیش کے اناؤ میں نابالغ لڑکیوں کی عصمت دری اور کھٹوا میں آٹھ سالہ بچی عاصفہ کی عصمت ریزی اور قتل کے واقعے کے خلاف آج شہر میں زبردست احتجاجی مظاہرہ کیاگیا۔ میسور بینک سرکل پر اے آئی ڈی ایس او ، اے ڈی وائی او اور دیگر طلبا تنظیموں سے وابستہ ہزاروں کارکنوں نے جمع ہوکر اس ظلم کے خلاف احتجاجی مظاہرہ کیا اور خاطیوں کو سزائے موت دینے کی مانگ کی۔ وزیراعظم نریندر مودی کی طرف سے بیٹی بچاؤ کے نعرے کو فرضی قرار دیتے ہوئے احتجاج میں شامل طلبا یونین لیڈروں نے کہاکہ آج بی جے پی سے بیٹی بچاؤ تحریک کی ضرورت پڑ رہی ہے۔ ان لیڈروں نے کہاکہ دراصل وزیراعظم نے بیٹی بچاؤ کا نعرہ نہیں دیا بلکہ اقتدار سنبھالتے وقت عوام کو وارننگ دی تھی کہ اپنی بیٹیوں کو بچاؤ۔کھٹوا میں آٹھ سالہ عاصفہ کی ایک مندر میں اجتماعی عصمت ریزی اور اس کے بعد پتھروں سے اس کا سر کچل دئے جانے کے واقعے کو درندگی کی بدترین مثال قرار دیتے ہوئے ان لوگوں نے کہاکہ ان وحشی درندوں کے خلاف سخت کارروائی کرنی کی بجائے ہندو یکتا منچ نامی تنظیم نے اس ذلیل حرکت کو کارنامہ قرار دیتے ہوئے ملزمین کا دفاع کیا اور مقتولہ کی طرف سے پیروی کرنے والی وکیل کو ڈرایا دھمکیا جارہاہے۔ جموں بار اسوسی ایشن کے وکیل جو ان ملزمین کی دفاع میں کھڑے ہوگئے ہیں وہ انصاف کی دہائی دینے والی وکیل کو عدالت میں گھسنے کا موقع نہیں دے رہے ہیں تو دوسری طرف اتر پردیش کے اناؤ میں ایک بی جے پی رکن اسمبلی نے نابالغ لڑکی کے ساتھ نہ صرف منہ کالا کیا بلکہ حراست میں اس کے باپ کا قتل کردیا۔ مظلومین کے لئے انصاف مانگنے کے مقصد سے جب احتجاجی مظاہرے کئے گئے تو اترپردیش پولیس نے احتجاجیوں کو بے رحمی سے مارا ، جبکہ ملزمین کھلے عام گھوم پھر رہے ہیں ، ملک کی اس صورتحال کو انتہائی تشویشناک قرار دیتے ہوئے ان طلبا لیڈروں نے کہاکہ اس نظام کو جلد از جلد بدلنے کی ضرورت ہے۔ 

ایک نظر اس پر بھی

دارالعلوم اسلامیہ عربیہ تلوجہ میں علمائے شوافع کی جانب سے فقہی سمینار کا آغاز؛ علماء فقہائے شوافع نے حقیقتاً حدیث اور فقہ میں بہت نمایاں کام کیاہے: خالد سیف اللہ رحمانی 

بروز سنیچر 19؍ جنوری مجمع الامام الشافعی العالمی کی جانب سے دو روزہ پہلے فقہی سمینار کا آغاز کیا گیا اس سمینار کا افتتاحی جلسہ صبح 10؍ بجے جامعہ دارالعلوم اسلامیہ عربیہ تلوجہ ممبئی میں منعقد کیا گیا

کاروار بحر عرب میں کشتی اُلٹنے کا معاملہ؛ مرنے والوں کی تعداد بڑھ کرہوگئی 16، اب تک 14 نعشیں برآمد

بحرعرب میں کشتی الٹنے سے کل دس سے زائد لوگوں کی ہلاکت کی خبر دی گئی تھی جس میں کئی ایک لاشوں کو برآمد کیا گیا تھا اور راحت اور بچائو کا کام جاری تھا، اس تعلق سے آج مزید چھ لاشیں سمندر سے برآمد کی گئی ہیں اور  بتایا گیا ہے کہ مزید دو   کی تلاش جاری ہے۔ اس طرح کاروار میں کشتی ...

کرناٹک سدھ گنگا مٹھ کے سوامی شیو کمارکا 111 سال کی عمر میں انتقال؛ ریاست بھر میں ماتم؛ کل منگل کو اسکولوں میں چھٹی

ریاست کرناٹک کے معروف سوامی اور سدھ گنگا پیٹھ کے سربراہ 111سالہ شیو کمار سوامی جی آج پیر کو  انتقال کرگئے۔ ان کے انتقال پر پوری ریاست میں ماتم چھا گیا اور  وزیر اعلی ایچ ڈی کمارسوامی نے کل منگل کو  سبھی اسکولوں اور کالجوں میں چھٹی  کا اعلان کیا۔

ہم بے قصور تھے، مگر وہ ہماری زبان سمجھنے سے قاصر تھے، ایرانی حراست سے رہا ہونے کے بعد ماہی گیروں کا بھٹکل میں والہانہ استقبال

دبئی سمندر میں ماہی گیر ی کے دوران ایرانی پولیس کی تحویل میں رہنے کے بعد واپس لوٹنے والے کمٹہ اور بھٹکل کے ماہی گیروں کا کہنا ہے کہ ان کے لئے سب سے بڑا مسئلہ زبان کا تھا۔ ایرانی افسران ان کی زبان سمجھ نہیں رہے تھے ۔ اور ایرانی سمندری سرحد پار نہ کرنے کا یقین دلانے کے باوجود وہ لوگ ...

کاروار: بیچ سمندر میں کشتی اُلٹ گئی؛ دس سے زائد ہلاک ؛ راحت اور بچاو کا کام جاری، 25 سے زائد لوگ تھے کشتی پر سوار

کاروار میں کورم گڑھ جاترا کے لئے نکلی ایک کشتی بیچ سمندر میں ڈوب جانے سے کشتی پر سوار چھ لوگوں کی موت واقع ہونے کی اطلاع موصول ہوئی ہے، بتایا گیا ہے کہ مرنے والوں کی تعداد میں اضافہ ہونے کا خدشہ ہے کیونکہ کشتی پر موجود 25 سے زائد لوگوں میں دو چار لوگوں کو ہی بچانے کی خبر ملی  ہے، ...

پُتور میں پیک آپ کار کی اومنی سے خطرناک ٹکر؛ ایک کی موت، دو شدید زخمی

ماروتی اومنی اور  پیک آپ کے درمیان ہوئی خطرناک ٹکر کے  نتیجے میں اومنی پر سوار ایک شخص کی موت واقع ہوگئی، جبکہ دوسرا شدید زخمی ہوگیا، حادثے میں پیک آپ کار ڈرائیور کو بھی چوٹیں آئی ہیں ۔ حادثہ منگل صبح مُکوے مسجد کے سامنے   پیش آیا۔

شیرور میں کار کی ٹکر سے بائک سوار کی موت

پڑوسی علاقہ شیرور نیشنل ہائی وے پر ایک کار کی ٹکر میں بائک سوار کی موقع پر ہی موت واقع ہوگئی جس کی شناخت محمد راشد ابن محمد مشتاق (21) کی حیثیت سے کی گئی ہے جو شیرور  بخاری کالونی کا رہنے والا تھا۔

ہائی کمان کہے تو وزارت چھوڑ نے کیلئے بھی تیار : ڈی کے شیو کمار

ریاست میں سیاسی گہما گہمی کا فی تیز ہونے لگی ہے ۔ ایک طرف جہاں کانگریس اور جنتادل( سکیولر) اپنی مخلوط حکومت کو بچانے میں لگے ہیں وہیں بھارتیہ جنتا پارٹی ( بی جے پی ) نے آپریشن کنول کے ذریعہ دیگر پارٹیوں کے اراکین اسمبلی کو خریدکر برسر اقتدار آنے کے حربے جاری رکھے ہیں۔