بنگلوروشہر میں فرضی کریڈٹ کارڈ کا جال بے نقاب، تین ملزم گرفتار

Source: S.O. News Service | By Shahid Mukhtesar | Published on 16th July 2017, 10:41 AM | ریاستی خبریں |

بنگلورو،15؍ جولائی(ایس او نیوز) امریکہ ، جاپان اور دیگر ممالک کے کریڈٹ کارڈ ہولڈرس کو دھوکہ دیکر ان کی تفصیلات حاصل کرنے کے بعد فرضی کریڈٹ کارڈ تیار کرکے آن لائن رقم کی چوری کرنے والی ایک ٹولی کو بے نقاب کرتے ہوئے شہر کی پولیس نے ایک سری لنکن شہری کو گرفتار کرلیا ہے۔ اس کے ساتھ ہی دیگر دو ملزمین بھی پولیس کی گرفت میں آئے ہیں۔ ملزمین کی شناخت جافنا کے ساکن ڈیوین ، کنکانگر کے نواز شریف اور ایچ بی آر لے آؤٹ کے ندیم شریف کی حیثیت سے کی گئی ہے۔ ملزمین کے پاس سے مختلف بینکوں کے 144 کریڈٹ کارڈ ، کارڈ سوائپ کرنے کی 36 مشینیں ، 16 فرضی ڈرائیونگ لائسنس ، لیاپ ٹاپ اور دیگر دستاویزات ضبط کئے گئے ہیں۔ شہر کے پولیس کمشنر پروین سود نے آج ایک اخباری کانفرنس میں اس ٹولی کی گرفتاری کا اعلان کیا۔ انہوں نے کہاکہ ڈیوین اپنے ایک دوست ٹام جو اس کے ساتھ شہر کے جالہلی میں ایک اپارٹمنٹ میں مقیم تھا، اور اسی اپارٹمنٹ سے فرضی کریڈٹ کارڈوں کے ذریعہ آن لائن چوری کا دھندہ چلا رہا تھا۔ بڑی بڑی آن لائن کمپنیوں جیسے کہ امیزان ، علی بابا وغیرہ سے آن لائن ڈیٹا کی چوری کرکے ان تفصیلات کی بنیاد پر وہ فرضی کریڈٹ کارڈس تیار کرتا اور اسے سوائپ کرنے کے بعد بین الاقوامی اکاؤنٹ ہولڈروں کے کھاتوں سے رقم چراتا۔ فرضی کریڈٹ کارڈ ، پانڈیچری ،ہریانہ اور دیگر مقامات پر ایجنٹوں کے ذریعہ بھی استعمال کئے جاتے اور اس کے عوض 20 فیصد کمیشن ایجنٹوں کو ملتا۔ یہ بھی پتہ چلا ہے کہ ڈیوین جافنا سے غیر قانونی طور پر چنئی میں داخل ہواتھا اور اس پر وہاں بھی دھوکہ دہی کے دو معاملات درج ہیں۔ایک اور ملزم ندیم شریف اس سے پہلے کاٹن پیٹ ،اپارپیٹ اور ممبئی کے مختلف پولیس تھانوں میں دھوکہ دہی کے معاملات میں گرفتار ہوچکا ہے۔ نقلی کارڈ استعمال کرتے ہوئے ان ملزمین نے شہر کے ایک شو روم وشنو پریہ انٹرنیشنل سے تین ایل سی ڈی ٹی وی خریدے اور اس کے عوض جو رقم ایک لاکھ دس ہزار روپے دکان مالک کے کھاتے میں جمع ہونی تھی وہ جمع نہیں ہوئے ، اس سلسلے میں شکایت کے بعد پولیس نے کارروائی کی تو فرضی کارڈ کا جال بے نقاب ہوا۔ پولیس کمشنر نے فرضی کریڈٹ کارڈ کے گھپلوں کی بڑھتی ہوئی وارداتوں پر تشویش ظاہر کرتے ہوئے آج ریزرو بینک اور مختلف بینکوں کے عہدیداروں سے گذارش کی کہ کریڈٹ اور ڈیبٹ کارڈ کو اور بھی محفوظ بنانے کیلئے ضروری قدم اٹھائے جائیں۔ انہوں نے کہاکہ فرضی اے ٹی ایم کریڈٹ اور ڈیبٹ کارڈوں کا دھندہ دن بدن پھیلتا جارہا ہے۔ہائی ٹیک جعل سازی کرتے ہوئے لٹیرے آن لائن لوٹ پر اتر آئے ہیں ، اس لوٹ کو ختم کرنے کیلئے بینکوں کو سخت قدم اٹھانا چاہئے۔ 

ایک نظر اس پر بھی

اداکار پرکاش راج نے پی ایم مودی پر کسا طنز،56 انچ بھول جائیے، 55گھنٹے بھی نہیں سنبھالاجاسکا کرناٹک 

کرناٹک میں محض ڈھائی دن پرانی بھارتیہ جنتا پارٹی (بی جے پی)کی حکومت ہفتہ (19 مئی)کی شام گر گئی۔وزیر اعلی بی ایس یدی یورپا نے یقین نہ کا سامنا کئے بغیر ہی اسمبلی ٹیبل پر اپنے استعفی کا اعلان کر دیا۔

اناملائی دوبارہ چکمگلور کے ایس پی مقرر

بی ایس یڈی یورپا کے وزیر اعلیٰ بننے کے بعد رام نگرم ضلع کے ایس پی کی حیثیت سے تبادلہ کردئے گئے چکمگلور ضلع کے سپرنٹنڈنٹ آف پولیس کے اناملائی کو پھر سے چکمگلور کے ایس پی کے طور پرتبادلہ کیا گیاہے۔

لوک سبھا انتخابات میں بی جے پی تمام 28 حلقوں میں کامیاب ہوگی 10 سال تک ریاست بھر کا دورہ کرکے پارٹی کو مضبوط بناؤں گا : یڈی یورپا

سابق وزیر اعلیٰ و بی جے پی کے ریاستی صدر بی ایس یڈی یورپا نے دعویٰ کیا ہے کہ لوک سبھا انتخابات میں ان کی پارٹی تمام 28 حلقوں میں کامیابی حاصل کرکے وزیر اعظم نریندر مودی کو تحفہ کے طور پر دینے کیلئے وہ تیار ہیں ۔

کرناٹک اسمبلی انتخابات میں ’نوٹا‘ چوتھے مقام پر جنوبی بنگلورو میں 15,829 ووٹروں نے نوٹا کو ترجیح دی ہے

اسمبلی انتخابات میں پہلی مرتبہ الیکٹرانک ووٹنگ مشین میں ’نوٹا‘ کو چوتھا مقام حاصل ہوا ہے ۔ جملہ 26 حلقوں میں سے 24 حلقوں میں نوٹا کو چوتھے مقام پر دیکھا گیا ہے ۔ کانگریس، بی جے پی اور جے ڈی ایس کے بعد ووٹروں نے ’نوٹا‘ کو اگلی ترجیح دی ہے ۔

کانگریس ۔جے ڈی ایس حکومت کب تک قائم رہ سکے گی؟

کرناٹک کے انتخابات میں سٹے بازوں نے جب ریاست میں مستحکم حکومت دینے کے لئے بی جے پی پر داؤ لگایا تھا تو انہیں نقصان ہوا لیکن اب یہی سٹے باز اس پر بات کررہے ہیں کہ کانگریس ۔جے ڈی ایس اتحاد کب تک چلے گا۔

کرناٹک میں پہلی بار مسلم نائب وزیراعلیٰ، آج کمار سوامی کی دہلی میں سونیا اور راہل سے ملاقات

کرناٹک کے وزیراعلیٰ کے طورپر حلف برداری سے قبل جے ڈی ایس لیڈر ایچ ڈی کمار سوامی پیر کے روز نئی دہلی میں کانگریس لیڈروں سونیاگاندھی اور راہل گاندھی سے ملاقات کریں گے اور حکومت کی تشکیل کے سلسلہ میں تبادلہ خیال کریں گے۔ ریاست کے 25ویں وزیراعلیٰ کے طورپر حلف برداری کے لیے تیار ...