بنگلورو،6؍جنوری (ایس او  نیوز) بنگلوروشہر کی سیشن عدالت کے ایک جج نے جو خواتین کے خلاف جرائم کے معاملات کیلئے مخصوص ہیں ،یکم جنوری کوایک ریکارڈ قائم کرتے ہوئے ایک ہی دن میں111ضمانتی درخواستوں کونپٹایا ۔ جن درخواستوں کی سماعت ہوئی تھی ان میں47ایسی درخواستوں کو مسترد کردیا جس میں باقاعدہ اور پیشگی ضمانتی عرضیاں شامل ہیں۔ یہ عدلیہ میں ایک انوکھا واقعہ ہے جس میں اتنے سارے معاملات کی ایک ہی دن میں سماعت کی گئی جبکہ اس کیلئے ایک طویل وقت درکار ہوتا ہے۔ عدلیہ کے ذرائع نے بتایا کہ جسٹس گوپال کے ریکارڈ سے معلوم ہوتاہے کہ وہ معاملوں کو کم عرصہ میں نپٹانے کاتجربہ رکھتے ہیں۔ اس کی ایک مثال یہ بھی ہے کہ جب وہ بلگاوی کے فیملی کورٹ میں تھے ہر مہینہ 140سے180معاملوں کو نپٹاتے تھے ۔ اس سے پہلے جب وہ شہر کے لوک آیوکتہ کی خصوصی عدالت میں تھے انہوں نے 18مہینوں میں 70فیصد معاملوں کو سلجھا کر ایک زبردست پیغام دیا تھا ۔ عدلیہ کے ایک افسر نے بتایا کہ انہوں نے ضمانتی دخواستوں کو نپٹانے کے بعد 408معاملوں کی سماعت کریں گے۔