بنگلورو:صرف دس روپے کے معاملے پر جھگڑے میں تکنیکی ماہرنوجوان کی جان گئی !

Source: S.O. News Service | By Shahid Mukhtesar | Published on 12th September 2018, 9:45 PM | ریاستی خبریں |

بنگلورو 12؍ستمبر(ایس او نیوز) صرف دس روپے کے معاملے پر شروع ہونے والی تکرار میں ویپرو کمپنی میں تکنیکی ماہر (ٹیکی) کی خدمات انجام دینے والے ایک نوجوان کو اپنی جان سے ہاتھ دھونا پڑا۔

موصولہ رپورٹ کے مطابق ہلاک ہونے والے نوجوان کا نام گروپرشانت (31سال) تھا۔جو گِری نگر میں اپنے والدین اور بیوی کے ساتھ مقیم تھااور بیلاندور میں واقع ویپرو لمیٹیڈ میں ملازمت کررہا تھا۔ 6ستمبر کی شام کو اس نے اپنے گھر کے قریب واقع سائبر کیفے میں اپنے ریسیوم کا کلر پرنٹ آؤٹ نکالنے کے لئے گیا ہواتھا۔ سائبر کیفے میں موجود کارتھک نے کلر پرنٹ آؤٹ کے بجائے بلیک اینڈ وہائٹ پرنٹ آؤٹ نکالااور اس کے لئے دس روپے چارج مانگا۔ گر و پرشانت نے جب سوال اٹھایا کہ کلر پرنٹ آؤٹ کی قیمت جب دس روپے ہے تو بلیک اینڈ وہائٹ کی قیمت بھی دس روپے کیوں طلب کی جارہی ہے۔ کارتھک نے جواب میں گروپرشانت کو گالیاں دیں۔اس سے مشتعل ہوکر جب گروپرشانت نے کارتھک کا کالر پکڑ لیاتو کارتھک نے پاس میں پڑا ہوا اسکریو ڈرائیور اٹھایا اور گرو پرشانت کے بائیں کان کے اندر پوری طاقت سے گھسیڑ دیا۔ اس کے ساتھ ہی گروپرشانت کے کان سے خون جاری ہوا اور وہ بے ہوش ہوکر گرپڑا۔

دکان کے پاس موجود لوگوں نے گروپرشانت کو فوری طور پررادھا کرشنا اسپتال میں منتقل کیا۔معائنہ کرنے پر پتہ چلا کہ اسکریو ڈرائیور کی نوک سے گرو پرشانت کے دماغ کو نقصان پہنچا ہے اور وہ کوما میں چلاگیا ہے۔مزید علاج کے لئے اس کو بی جی ایس اسپتال میں منتقل کیاگیا مگر علاج کارگر نہ ہونے سے اس نے 11ستمبرکومنگل کے دن دم توڑ دیا۔ گری نگر پولیس نے قتل کا کیس درج کرنے کے بعد سائبر کیفے کے کارتھک کو گرفتار کرلیا ہے۔

اتفاق کی بات ہے کہ جس دن گروپرشانت کی موت واقع ہوئی ، اسی دن اس کی بیوی مامتا نے ایک بیٹے کو جنم دیا ہے۔

ایک نظر اس پر بھی

ملپے سے گم شدہ ماہی گیر کشتی معاملہ میں نیا موڑ: نیوی کے افسران نے مانا کہ جنگی جہاز سے ہواتھا کشتی کا تصادم

مہاراشٹرا میں سندھو درگ کے قریب سمندر میں ماہی گیری کے دوران مچھیروں سمیت لاپتہ ہونے والی کشتی ’سوورنا تریبھوجا‘ کے تعلق سے اب ایک نیا موڑ سامنے آیا ہے اور تحقیقاتی افسران کو یقین ہوگیا ہے کہ اس ماہی گیر کشتی کی ٹکر بحریہ کے ایک جنگی جہاز’آئی این ایس کوچی‘ سے ہوئی اور ماہی ...

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

گرفتاری کے خوف سے رکن اسمبلی جے این گنیش روپوش

بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔

وسویشوریا یونیورسٹی رجسٹرار پر200کروڑ کے گھپلے کا الزام گورنر نے چھان بین کے لئے وظیفہ یاب جج کو مقرر کیا ۔ تعاون کرنے ملزم کو ہدایت

وسویشوریا ٹکنالوجیکل یونیورسٹی (وی ٹی یو) کے رجسٹرار اب مشکل میں پڑگئے ہیں۔ گورنر واجو بھائی روڈا بھائی والا نے جو یونیورسٹی کے چانسلر بھی ہیں،200کروڑ روپئے تک کے گھوٹالے کی چھان بین کا حکم دیا ہے۔

لنگایت طبقہ کے مذہبی رہنما شیوکمارسوامی کی آخری رسومات ادا، اسلامی تعلیمات اوراردو زبان سے بھی تھی واقفیت

یاست کرناٹک کی ایک عظیم شخصیت، لنگا یت طبقہ کے مذہبی رہنما، شیوکمارسوامی جی کی آج آخری رسومات انجام دی گئیں۔ بنگلورو کے قریب واقع ٹمکورشہرمیں شیوکمارسوامی جی کولنگایت رسومات کے مطابق دفنایا گیا۔ سدگنگا مٹھ میں آج اورکل لاکھوں کی تعداد میں لوگوں نے سوامی جی کا آخری ...