بیوی کے عاشق وکیل کو قتل کرنے والے راجیش سے پوچھ گچھ ابھی جاری
بنگلورو:15؍جنوری(ایس اونیوز) ہسرگٹہ آچاریہ کالج سے قریب 13؍جنوری کی دوپہر وکیل امیت پرگولیاں چلاکر اسے قتل کرنے والے راجیش کوکل رات عدالت کے آگے حاضر کرکے پولیس نے مزید پوچھ گچھ کے لئے حراست میں لے لیا ہے۔ راجیش کی بیوی شروتی گوڈا کے ساتھ مقتول امیت کیشوامورتی کے ناجائز تعلقات تھے۔ عدالت نے راجیش اور اس کے باپ گوپال کرشنا کو 15؍دنوں کے لئے پولیس حراست میں رکھنے اجازت دی ہے۔ مقتول امیت کیشوا مورتی کی لاش پوسٹ مارٹم کے بعد رشتہ داروں کے حوالہ کردی گئی اور آج دوپہر نلمنگل تعلقہ چکناہلی میں ان کی آخری رسومات اداکردی گئیں۔ مقتول امیت کشور نے لندن میں لاء کورس مکمل کیا تھا اور اپنے باپ کے ساتھ ہائی کورٹ میں پریکٹس کررہاتھا۔ اس نے پینیا سے قریب مکان بنایا تھا جہاں وہ اپنی بیوی اور بچی کے ساتھ رہتاتھا۔