دلالوں کے چنگل سے نابالغ لڑکیوں کو بچا لیا گیا
بنگلورو،15؍فروری(ایس او نیوز) پولیس نے شہر میں ایک مکان پر چھاپے کے دوران نابالغ لڑکیوں کو دلالوں کے چنگل سے آزاد کروالیا۔پولیس نے کہا کہ 6افراد بشمول تین لڑکیوں کو اس سلسلہ میں گرفتار کرلیاگیا ہے ۔بچائی گئی لڑکیوں کی عمر14تا17برس کے درمیان ہے ۔ان لڑکیوں نے پولیس کو بتایا کہ ان کے والدین ان کی روٹی روزی کا انتظام نہیں کرسکے، اسی لئے ان کے والدین نے ان کی مرضی کے خلاف دلالوں کے ذریعہ جسم فروشی کے لئے ان کو مجبور کیا ۔ان دلالوں نے ان کو ایک جگہ سے دوسری جگہ منتقل کیا۔پولیس نے اس سلسلہ میں ایک معاملہ درج کرکے جانچ شروع کردی۔