بنگلورو میں جوہری کو32؍لاکھ کا چونا لگاکر فرار
بنگلورو،25؍اپریل(ایس او نیوز) زیورات کی دکان سے ایک کلو سونے کے زیورات خرید نے32لاکھ کے نقلی نوٹ کے ذریعہ چونا لگاکر فرار ہوجانے کا واقعہ السور گیٹ پولیس تھانہ کی حدودمیں پیش آیاہے۔ نگرتھ پیٹ کے ایس پی ای ،ڈائمنڈ کامپلکس میں جیولری شاپ چلارہے دنیش کمار ایک کلو سونے کے زیورات کھوچکے تاجر ہیں۔ پولیس ذرائع کے مطابق ایک شخص نے فون کے ذریعہ دنیش سے رابطہ کرکے خود کو رشتہ دار بتایا اور لڑکی کی بیاہ کے لئے ایک کلو سونے کے زیورات کی خریدی کرنے کی اطلاع دی۔ دھوکہ باز کی جھانسہ میں آکر دنیش فوری اپنی جیولری شاپ طلب کیا۔ لیکن اجنبی شخص نے دکان آنے کی بجائے کاویری بھون کے سامنے موجود شکشکرا سدن سے قریب زیورات لانے کی گزارش کی۔ دنیش اس کے جھانسہ میں آکر کل رات9-30 بجے اپنی کار کے ذریعہ زیورات لے گئے۔ کارمیں ہی دونوں نے اپنے زیورات اور رقم بیاگس تبدیل کئے اور دنیش گھر واپس لوٹ گئے۔ گھر پرروپیوں سے بھرا بیاگ کھولاتو اس میں تمام کے تمام نوٹ نقلی رکھے ہوئے تھے۔ اس سلسلے میں دنیش نے السور گیٹ پولیس تھانہ میں شکایت درج کروائی ہے۔ پولیس معاملہ درج کرکے دھوکہ باز کی تلاش کررہی ہے۔