بنگلور22/جون (ایس او نیوز/آئی این ایس انڈیا)  بنگلور  ملک کا ایسا پہلا شہر بن گیا ہے جہاں پر لوگ اپنے گھر کے دروازے پر ڈیزل منگوا سکتے ہیں۔ٹھیک ویسے ہی جیسے آپ گھر بیٹھے اپنا پیزا، فوڈ، دودھ جیسی چیزیں آرڈر کرتے ہیں۔15جون کو مائی یٹرول پمپ نامی ایک اسٹارٹ اپ نے اس کی شروعات کی ہے۔یہ اسٹارٹ اپ ایک سال پرانی ہے۔بتا دیں کہ مائی پٹرول پمپ نے اس کاآغاز 3 ڈیلیوری گاڑیوں سے کیا ہے۔ایک گاڑی کی صلاحیت 950لیٹر ہے،اب تک اس کے ذریعے 5000سے زیادہ ڈیزل ڈیلیور کئے جا چکے ہیں۔ڈیزل کی قیمت اس دن کی مقررہ قیمت میں ایک مخصوص ڈیلیوری چارج جوڑکر کی جاتی ہے۔

ڈیزل کے لئے اپنے آن لائن، فون کال کے ذریعے یا پھر فری ایپ ڈاؤن لوڈ کر کے آرڈر کر سکتے ہیں،اگر آپ کو ایک بار میں 100لیٹر تک ڈیزل چاہئے، تو اس کے لئے 99روپے ڈیلیوری چارج دینا ہوگا۔100لیٹر سے زیادہ ڈیزل کے لئے ڈیزل کی قیمت کے علاوہ میں ایک روپے فی لیٹر دیناہوگا۔

مائی پٹرول پمپ کے بانی آشیش کمار گپتا نے  آئی آئی ٹی دھنباد سے تعلیم حاصل کی ہے۔32سالہ آشیش کا کہنا ہے کہ ہم لوگ ستمبر 2016ہی سے وزارت پٹرولیم کے رابطے میں ہیں۔ اہلکاروں کی منظوری کے بعد وزیر پٹرولیم دھرمیندر پردھان کے ساتھ دو بار ملاقات ہوئی۔انہوں نے ہمارے کام  کی تعریف کی۔