بریکنگ نیوز

جو اپنی ماں اور بیوی کا نہ ہوسکا ملک کا کیا ہوگا؟نوٹ بندی کے خلاف بنگلورو میں کانگریس کے احتجاجی مظاہرہ سے روشن بیگ کا خطاب

Source: S.O. News Service | By Shahid Mukhtesar | Published on 11th January 2017, 11:51 AM | ریاستی خبریں |

بنگلورو۔10؍جنوری(ایس او نیوز) مرکزی حکومت کی طرف سے لاگو نوٹ بندی کے خلاف آج کانگریس نے ملک بھر میں سڑکوں پر اتر کر احتجاج کیا۔ بنگلور ضلع کانگریس کی طرف سے بھی ٹاؤن ہال کے روبرو ایک زبردست احتجاجی مظاہرہ منظم کیاگیا، جس میں کثیر تعداد میں کانگریس کارکنوں نے جمع ہوکر نوٹ بندی کے یکطرفہ فیصلے کے خلاف اپنے شدید غم وغصہ کا اظہار کیا۔ احتجاجی مظاہرین سے خطاب کرتے ہوئے وزیر شہری ترقیات وحج جناب روشن بیگ نے کہاکہ مودی نے نوٹ بندی کے بعد کیش لیس انڈیا کے نام پر بڑی بڑی بین الاقو امی کمپنیوں ، ویزا ، ماسٹر کارڈ، امریکن ایکسپریس وغیرہ کو فائدہ پہنچایا۔ عوام کی طرف سے ڈیبٹ کارڈ یا کریڈٹ کارڈ کے استعمال پر ان کمپنیوں کو فائدہ پہنچتا ہے،جبکہ ملک کے عوام کو اپنے ہی پیسوں کو بینکوں سے نکالنے کیلئے گھنٹوں بینکوں کے باہر قطارمیں کھڑے ہونا پڑ رہا ہے۔ملک کے ہزاروں دیہاتوں میں آج بھی اے ٹی ایم نہیں ہیں۔ان دیہاتوں میں نوٹ بندی کا بہت گہرا اثر مرتب ہوا ہے۔جب تک ملک میں مکمل طور پر اے ٹی ایم نیٹ ورک قائم نہیں ہوجاتا اس وقت تک کیش لیس انڈیا کا تصور فضول ہے۔ انہوں نے کہاکہ مودی میں اپنی بیوی کی پرورش کرنے کی صلاحیت بھی نہیں ہے، جس کی وجہ سے برسوں پہلے ہی وہ اپنی بیوی کو چھوڑ چکے ہیں۔ وزیر اعظم بننے کے بعد دہلی میں اتنے بڑے بنگلہ میں رہنے کے باوجود مودی نے آج تک اپنی ماں کو اپنے گھر نہیں بلایا ۔ صورتحال ایسی ہوگئی ہے کہ مودی پر جو تنقید کرتا ہے اسے غدار قرار دیاجاتا ہے۔ وہ یہ واضح کردینا چاہتے ہیں کہ وہ ایک اچھے کانگریسی اور سچے محب وطن ہیں۔ کے پی سی سی صدر ڈاکٹر جی پرمیشور نے اس موقع پر خطاب کرتے ہوئے کہاکہ پچھلے دو سالوں سے مودی حکومت نے ملک کے عوام کیلئے کوئی اچھا کام نہیں کیا، دنیا بھر گھومنے کے بعد مودی نے ملک کے عوام پر نوٹ بندی کا خطرناک وار کیا۔ نوٹ بندی کی وجہ سے غریب طبقہ سڑکوں پر آچکا ہے۔ بنگلور میں کام نہ ملنے کی وجہ سے ہزاروں کی تعداد میں لوگ دیہاتوں کو واپس لوٹ چکے ہیں۔ نوٹ بندی کے بعد اب تک 65 دنوں میں چار مرتبہ پٹرول کی قیمتوں میں اضافہ کیا گیا ہے۔ انہوں نے کہاکہ ہٹلر کی مانند مودی صبح میں کچھ اور شام میں کچھ اور حکم جاری کرتے ہیں۔ انہوں نے کہا کہ نوٹ بندی کے بعد کبھی مودی نے غریبوں کو درپیش مشکلات کا احساس تک نہیں کیا، ان کے آمرانہ رویہ کی وجہ سے ملک کے عوام کو دشواریاں جھیلنی پڑ رہی ہیں۔ کے پی سی سی کارگذار صدر دنیش گنڈو راؤ نے کہاکہ نوٹ بندی لاگو کرتے وقت وزیراعظم نے اعلان کیا تھاکہ ، کالا دھن ، کرپشن اور دہشت گردی کو ختم کرنے کیلئے نوٹ بندی کی جارہی ہے۔ لیکن کشمیر میں مسلسل دہشت گردی جارہی ہے۔ نوٹ بندی کی وجہ سے وہاں حالات میں کوئی تبدیلی نہیں آئی، کالادھن رکھنے والے امیر سکون سے جی رہے ہیں اور رشوت خور افسران اپنا کام برابر کررہے ہیں تو پھر نوٹ بندی کا فائدہ کس کو پہنچا۔ وزیر اعظم نے ملک کے سبھی حالات سدھارنے کیلئے عوام سے پچاس دن کی مہلت طلب کی تھی، اب 65 دن ہوچکے ہیں ، لیکن نوٹ بندی کے بعد سے پیدا شدہ مسائل نہ صرف جوں کے توں بلکہ اور پیچیدہ ہوکر برقرار ہیں۔ عوام کی مشکلات میں مسلسل اضافہ ہوتا جارہا ہے۔انہوں نے کہا کہ سہارا اور برلا کمپنیوں سے 52کروڑ روپیوں کی رشوت خوری کا الزام مودی پر ہے، لیکن جب بھی یہ بات اٹھائی جاتی ہے تو ملک دشمنی کا الزام لگاکر لوگوں کا منہ بند کرنے کی کوشش کی جاتی ہے۔ وزیر برائے ترقیات بنگلور کے جے جارج نے کہاکہ نوٹ بندی سے جی ڈی پی شرح میں ایک فیصد کمی آئی ہے، دو کروڑ سے زائد افراد بے روزگار ہوچکے ہیں۔ انہوں نے شہر میں نظم وضبط کی صورتحال پر تبصرہ کرتے ہوئے کہاکہ شہر کی پولیس بہترین طریقے سے کام کررہی ہے، خواتین کو تحفظ بھی مناسب طریقے سے فراہم کیا جارہا ہے۔ سال نو کے موقع پر بے قابو ہجوم کی شرارت سے نمٹنے میں بھی پولیس نے کافی جدوجہد کی ہے۔اس کے باوجود بھی بنگلور کی پولیس کو بدنام کرنے اور شہر کی ساکھ کو مجروح کرنے کیلئے کچھ عناصر کی طرف سے منظم سازشیں رچائی جارہی ہیں۔ یوتھ کانگریس کے ریاستی صدر رضوان ارشد نے خطاب کرتے ہوئے کہاکہ مرکزی حکومت کی نوٹ بندی کا علم پہلے ہی مودی نواز صنعت کاروں کو ہوچکا تھا۔ اس کی وجہ سے امیر طبقہ بڑے سکون واطمینان سے ہے۔ بی جے پی لیڈروں کے پاس نقد ہی نقد ہے، اور عوام بے نقد ہوچکے ہیں۔ رکن اسمبلی ایس ٹی سوم شیکھر ، بنگلور ضلع کانگریس صدر جی شیکھرن ، رکن اسمبلی بائرتی بسوراج ، آروی دیوراج، نارائن سوامی، اے آئی سی سی مشاہد ناگیندرا، منوہر اور دیگر نے بھی اپنے خیالات کا اظہار کیا۔

ایک نظر اس پر بھی

بھٹکل میں دو روزہ حفظ قران مسابقہ آج سے شروع؛ ساحل آن لائن پر راست ٹیلی کاسٹ

بھٹکل  نوائط کالونی تنظیم گرائونڈ پر آج جمعرات سے دو روزہ مسابقہ حفظ قران شروع ہوگیا ہے۔ یہ پروگرام جمعیۃ الحفاظ کی جانب سے آرگنائز کیا گیا ہے۔ دو روزہ پروگرام ساحل آن لائن پر راست ٹیلی کاسٹ کیا جارہا ہے۔

گلبرگہ میں 2اپریل سے پلس پولیو پروگرام کا آغاز

ڈپٹی کمشنر گلبرگہ مسٹرؤ اجول کمار گھوش نے کہا ہے کہ نیشنل پلس پولیو پروگرام 2017کا پہلا مرحلہ ضلع گلبرگہ میں 2اپریل سے شروع ہوگا اور 5اپریل تک جاری رہے گا۔ اس دوران ضلع بھر میں 5سالسے کم عمر 4,09,594 بچوں کوپولیو ڈراپس ڈالے جائیں گے۔

اسٹار ہوٹلوں پر افزود ٹیکس کیلئے بی بی ایم پی کی تیاری

شہر میں موجود اسٹار ہوٹلوں کو محکمہ سیاحت سے دی گئی ریٹنگ کے تحت ٹیکس مقرر کرنے کا بروہت بنگلور مہانگر پالیکے ( بی بی ایم پی ) نے فیصلہ کیا ہے۔ اس سلسلہ میں کرناٹک منسپل کونسل (کے ایم سی) ایکٹ میں ترمیم کرنے پر بھی غور کررہا ہے۔

61سالہ خاتون گھٹنے کے آپریشن کے بعد اپاہچ ہوگئی کرناٹکا میڈیکل کونسل میں معاملہ درج، الزامات سے اسپتال کا انکار

ایک 73سالہ بزرگ اپنی 61سالہ بیوی کی صحت سے متعلق کافی پریشان حال ہیں۔ ان کی بیوی کا دائیں پیر مکمل طور پر ناکام ہوچکا ہے وہ چلنے پھرنے کے بھی قابل نہیں۔ پچھلے دو سال سے بستر پر لیٹے رہنے کی وجہ سے پیٹھ اور جسم کے دیگرحصوں پر ناسور پیدا ہوگئے ہیں۔

اندرا کینٹین کی شہر میں شروعات کیلئے احکامات جلد: سدرامیا

وزیر اعلیٰ سدرامیا نے کہاکہ برہت بنگلور مہانگر پالیکے کے تمام 198 وارڈوں میں نما کینٹین شروع کرنے کا ریاستی حکومت نے بجٹ میں جو منصوبہ اعلان کیا ہے اسے آنے والے دنوں میں اندرا کینٹین پکارا جائے گا۔آج اسمبلی میں بجٹ بحث کے جواب کے دوران سدرامیا نے کہاکہ بہت جلد ان کینٹینوں کی ...

راگی اور جوار کیلئے تائیدی قیمت کا تعین: کرشنابائرے گوڈا

ریاستی حکومت نے فی کوئنٹل راگی کیلئے 1770 روپیوں کی قیمت متعین کی ہے، اس کے ساتھ ہی ریاستی حکومت کی طرف سے کاشتکار کو فی کوئنٹل 450 روپیوں کی تائیدی قیمت، جملہ 2170 روپے کی رقم ادا کرنے کا فیصلہ کیا ہے۔ یہ اعلان آج وزیر زراعت کرشنا بائرے گوڈا نے ریاستی کونسل میں کیا۔انہوں نے کہاکہ ...