بنگلورو میں دو لٹیروں کو گولی مارکر گرفتار کرلیاگیا

Source: S.O. News Service | By Shahid Mukhtesar | Published on 11th September 2017, 10:43 AM | ریاستی خبریں |

بنگلورو۔10؍ستمبر(سینئر رپورٹر) راہ گیر سے موبائل فون اور نقد لوٹ کر فرار ہورہے دو بین ریاستی لٹیروں کو بیلندور اور ورتور پولیس انسپکٹرس کی زیر قیادت پولیس ٹیم گولی چلاکر دونوں ملزمین کو گرفتار کرنے میں کامیاب رہی۔کرناٹک اور تملناڈو کو مختلف جرائم کے معاملات میں درکار مزمل اور امر اب شہر کی پولیس کے ہاتھوں پکڑے جاچکے ہیں۔ دونوں ملزمین کے خلاف ریاست کے مختلف پولیس تھانوں میں 11؍ سے زائد ڈکیتی اور لوٹ مار کے معاملات درج ہیں۔ کل رات 11-30 بجے آنند نامی شحص بیلندور پولیس تھانہ کی حدودمیں آنے والے شرجاپور روڈ پر پیدل جارہاتھا، اس دوران دو موٹر سائیکلوں میں سوار4لٹیروں نے آنند کوزبردستی روک کر چاقو کی نوک پر ڈرا دھمکاکر موبائل فون اور وینیٹی پرس چھین کر فرار ہوچکے تھے۔فوری آنند نے مقامی پولیس تھانہ میں لوٹ کی شکایت درج کرائی، اس معاملہ کو سنجیدگی سے لے کر ڈپٹی کمشنر آف پولیس(ڈی سی پی)عبدالواحد نے پولیس انسپکٹرس وی وکٹر سیمنس اور سولاکرکی زیر قیادت پولیس کی4خصوصی ٹیمیں تشکیل دی۔ مذکورہ ٹیموں نے وقت ضائع کئے بغیر اس علاقے کے چاروں جانب ناگہ بندی کرکے موٹر سائیکل سواروں کی تلاش شروع کردی۔ ورتور پولیس تھانہ کے انسپکٹر سدھاکر کی ٹیم نے ملزمین کی تلاشی شروع کی تھی، آج صبح10بجے پریمیں پبلک اسکول سے قریب موجود نیلگری کے جنگلاتی علاقے میں لٹیروں کی موٹر سائیکل دستیاب ہوئی۔ جس کے بعد پولیس ٹیم ان جنگلاتی علاقے کے اندر لٹیروں کی تلاشی کے لئے آگے بڑھی تو تھوڑی ہی دوری پر دونوں لٹیروں کے پناہ لئے جانے کا پتہ چلا۔فوری انہیں خود سپردگی کرنے کی گزارش کی گئی۔لیکن دونوں ملزمین خود کو پولیس کے حوالے ہونے سے انکار کرنے لگے۔ اس دوران پولیس اہلکار انتھونی اور ہر دونوں ملزمین نے مہلک ہتھیار سے حملہ کرکے فرار ہونے کی کوشش کی جس پر فوری چوکنا ہوتے ہوئے انسپکٹر وکٹر سیمنس نے دونوں ملزمین کے پیروں پر گولی چلادی جس سے نیچے گرپڑے جنہیں گرفتار کرکے فوری سرجاپور کے نوین اسپتال میں بھرتی کرایاگیا۔ وائٹ فیلڈ سب ڈویژن پولیس کی اس کارروائی پر شہر کے پولیس کمشنر ٹی سنیل کمار، اڈیشنل پولیس کمشنر سونت کمار سنگھ نے کافی حوصلہ افزائی کی اور مبارکبادی دی۔

ایک نظر اس پر بھی

کرناٹک کی کانگریس حکومت پر نشانہ لگانے پر سدرامیا نے کیا پلٹ وار؛ کہا مودی میں وزیراعظم بننے کی صلاحیت ہی نہیں

کرناٹک کی کانگریس حکومت پر نشانہ سادھنے پر پلٹ وار کرتے ہوئے ریاست کے وزیر اعلیٰ سدرامیا نے وزیراعظم نریندر مودی کو جھوٹ کا پلندہ   قرار دیتے ہوئے    کہا  کہ نریندر مودی   میں وزیراعظم بننے کی صلاحیت ہی نہیں ہے

کانگریس لیڈر کی بی بی ایم پی دفتر کو آگ لگادینے کی دھمکی؛سی سی ٹی وی میں قیدہوا پورا منظر؛ سدارامیا نے دکھایا پارٹی سے باہر کا راستہ

کانگریس لیڈر نارائن سوامی کے  بی بی ایم پی دفتر میں گھس کر پٹرول چھڑکنے اوردفتر کو آگ لگادینے کی دھمکی کی وڈیو نیوز چینلوں میں نشر ہونے کے بعد فوری حرکت کرتے ہوئے سدرامیا نے نارائن سوامی کو   کانگریس پارٹی سے باہر کا راستہ دکھادیا ہے۔

این اے حارث نے فرزند کی حرکت پر اسمبلی میں کی معذرت خواہی

رکن اسمبلی این اے حارث کے فرزند نلپاڈ محمد کی طرف سے کل پیر کو ایک طالب العلم کو زودوکوب کرنے کا معاملہ سامنے آنے کے بعد آج این اے حارث نے ریاستی اسمبلی میں معذرت طلب کی اور کہا کہ ان کے بیٹے کی حرکت کی وجہ سے  اُنہیں جس طرح ندامت اُٹھانی پڑی، وہ وقت کسی باپ پر نہ آئے۔