بنگلور،28؍مارچ (ایس او نیوز/آئی این ایس انڈیا )بنگلور پولیس کی کرائم برانچ نے شہر کے دو الگ الگ مقامات پر چھاپہ مارکر تقریبا پانچ کروڑ روپے کے پرانے نوٹ برآمد کئے ہیں۔یہ نوٹ 500اور 1000روپے کے ہیں۔بنگلور کے ایڈیشنل پولیس کمشنر این روی نے بتایا کہ اس سلسلے میں ملزمان کی گرفتاری ہوئی ہے، یہ لوگ ایک لاکھ روپے کے لیے 10000روپے کا کمیشن لے کر نوٹ تبدیل کرتے تھے،ابھی جانچ چل رہی ہے اور اس کے بعد ہی تصویر صاف ہو پائے گی۔اس سے پہلے گزشتہ ہفتے بنگلور میں دو الگ الگ معاملات میں پانچ لوگوں کو گرفتار کیا گیا تھا اور ان کے پاس سے تقریبا دو کروڑ روپے کے منسوخ کئے کئے پرانے نوٹ برآمد کئے گئے تھے، اس سے صاف ہے کہ شہر میں کمیشن لے کر پرانے نوٹوں کو تبدیل کرنے کا گورکھ دھندہ جاری ہے اور کوئی بڑا ریکیٹ سرگرم ہے