ریاست میں 4.90کروڑ اور ضلع شمالی کینرا میں 11.18کروڑ رائے دہندگان ۔ جاری ہواووٹر لسٹ کا مسودہ
کاروار 5؍دسمبر (ایس او نیوز)الیکشن کمیشن نے ریاست کے 224اسمبلی حلقوں کے لئے ووٹر لسٹ کا مسودہ جاری کیا ہے۔ اس میں اضافے اور ترمیم وغیرہ کے لئے عوام کو 29دسمبر تک کا موقع دیا گیا ہے۔جبکہ 15فروری 2018کو قطعی ووٹرلسٹ جاری کی جائے گی۔
فی الحال فہرست رائے دہندگان کا جو مسودہ ہے وہ ریاستی الیکشن کمیشن کے ویب سائٹ ceokarnataka.kar.nic.inپر دستیاب ہے۔ اس کے مطابق ریاست میں اس وقت 4,90,06,901ووٹرس موجود ہیں۔اور ضلع شمالی کینرا کے کاروارحلقے میں سب سے زیادہ ووٹرس پائے جاتے ہیں۔شمالی کینرا میں مجموعی طور پر11,18,219ووٹرس ہیں جن میں مردوں کی تعداد 566008اور خواتین کی تعداد 552211ہے۔ضلع میں کاروار حلقے کے بعد ووٹرس کے اعتبار سے بھٹکل حلقے کا نمبر دوسرا ہے۔ہلیال میں ووٹرس کی تعداد 167171، کاروار میں 2,12,895،کمٹہ میں 178148 ، بھٹکل میں 2,10254،سرسی میں 184537، یلاپور میں165213ووٹرس موجود ہیں۔