بنگلوروشہر میں چار اغواکار گرفتار۔نقد رقم برآمد
بنگلورو،15؍فروری(ایس او نیوز) سنٹرل کرائم برانچ(سی سی بی )پولیس نے بنگلورو میں چار اغواکاروں کو حراست میں لے کر ان کے قبضہ سے 60ہزار روپئے کی نقد رقم ضبط کرلی ۔کمشنر پولیس پروین سود نے میڈیا کو بتایا کہ گرفتارشدہ پراوین گوڑا،پنیت دیپک اور جان نے تلنگانہ کے رہنے والے شیورام نامی شخص سے ترکی کے کرنسی لیرا کو ہندوستانی روپئے میں تبدیل کرنے کی معاملت کی اور جب وہ اس کیلئے پہنچا تو 2فروری کو ایک ہوٹل سے اس کا اغوا کرلیا ۔ اس اغوا کے بعد چاروں نے شیورام کے بیٹے سے رابطہ کیااور اس کی رہائی کیلئے 8لاکھ روپئے دینے کا مطالبہ کیا تاہم ان کے اکاونٹ میں 60,000روپئے جمع کروانے کے بعد انہوں نے 9فروری کو شیورام کو رہا کردیا۔شکایت کے درج ہونے کے بعد پولیس نے 14فروری کو اغواکاروں کو گرفتار کرلیااور ان کے خلاف معاملات درج کرلئے ۔ان چاروں نے اس جرم کا اعتراف کرلیا۔