منگلورو:6/ستمبر(ایس اؤ نیوز) بیلتھنگڈی میں بھگوا شال اور منوسمرتی کتاب کو جلائے جانے کے خلاف مذمت کرتے ہوئے مختلف سنگھ پریوار کی تنظیموں نے بیلتھنگڈی منی ودھان سودھا کے روبرو مذمتی جلسہ کا انعقاد کیا۔
پروگرام میں بی جے پی لیڈر پٹپٹا شری نواس، بی جے پی ایس سی مورچہ کے قومی جنرل سکریٹری چینا رامو اور بیلتھنگڈی کے رکن اسمبلی ہریش پونجا نے اپنے خیالات کااظہار کرتے ہوئے بھگوا شال اور منوسمرتی کوجلائے جانے والوں کے خلاف کارروائی کا مطالبہ کیا۔ اس سلسلےمیں ریاستی گورنر کو تحصیلدار کی معرفت میمورنڈم سونپا گیا۔ پروگرام میں سنگھ پریوار کے لوگ جمع تھے۔