بلگاوی :دریائے کرشنا میں پانی کے بہاؤ میں تیزی ساحل پر رہنے والوں کو محفوظ مقامات پر منتقل ہوجانے کی ہدایت
بلگاوی۔23جولائی( یو این آئی) دریائے کرشنا میں تیزی سے پانی کے بہاؤکے پیش نظر بھاری مقدار میں پانی کو چھوڑنے کا امکان ہے جس کو دیکھتے ہوئے حکام نے دریا کے کنارے رہنے والوں کو خبردار کیا کہ وہ محفوظ مقامات پر منتقل ہوجائیں۔ ذرائع نے کہاکہ اگرچہ گذشتہ دو دنوں سے جنوب مغربی مانسون کی بارش کے کم ہونے سے عوام کو راحت ہوئی ہے مگر مہاراشٹرا کے ڈیم سے پانی کو بھاری مقدار میں چھوڑا جارہا ہے ۔مہاراشٹرا میں مسلسل بارش کی وجہ سے ضلع بیلگاوی میں تین مکانات کو مکمل طور پر نقصان پہنچا ہے اور دیگر85مکانات کو جزوی نقصان ہوا ہے ۔چیکوڑی،بیل ہونگل ،گوکاک ،رائے باغ،رامدور،ہیکلی،بلگاوی اورخانہ پور تعلقوں میں6پل اور برڈج زیر آب آگئے ہیں جبکہ موضع چکلا میں سڑکیں مکمل طور پر بہہ گئی ہیں۔مہاراشٹرا میں 2,40,000کیوسک پانی کو راجہ پور برڈج سے اور1,67,000کیوسک پانی کو ڈپاراگی برڈج سے چھوڑا ہے ۔ ذرائع نے کہا ہے کہ23,7,90کیویک پانی ہٹکل ڈیم میں2010کیوسک پانی'ڈنڈل ڈیم میں اور2,176کیوسک پانی مالا پربھا ڈیم میں داخل ہورہا ہے ۔