نئی دہلی، 18 مارچ ( ایس او نیوز؍آئی این ایس انڈیا )کسی نیلامی کے لئے ڈگڈگی بجا کر یا منادی لگا کر اعلان کرنے کی روایت بند ہو سکتی ہے۔اس طرح عوام کومتوجہ کرنے کے فوائد ہوتے ہوں گے پر مارکیٹ ریگولیٹری سیبی کو لگتا ہے کہ یہ طریقے گزشتہ زمانے کی بات ہو گئی ہے اور آج کے وقت میں نئے طریقوں سے بہتر نتائج دیکھنے کو مل سکتے ہیں۔اصل میں اسٹاک اور سیکورٹیز مارکیٹ ریگولیٹری انڈین سیکورٹیز ایکسچینج بورڈ (سیبی) کو قیمت بھرنے میں چوک کرنے یا حکم کے مطابق ادا نہ کرنے والی یونٹس کی املاک بیچ کر وصولی کے حق ہے۔ان حقوق کا جائزہ لینے کے وقت نیلامی کے دوران اپنائے جانے والے ان پرانے طریقوں کی بات سامنے آئی۔

حکام نے کہا کہ سیبی جرمانہ، فیس، وصولی کی رقم یا رقوم کی واپسی کے حکم کے سلسلے میں وصولی کے نئے قوانین تیار کرنے کے لئے وزارت خزانہ سے مشورہ کر رہا ہے۔سیبی کے پاس قرض کی قسطوں میں ادائیگی میں چوک کرنے والے ڈفالٹروں کی جائیداد اور بینک اکاؤنٹ پر قبضہ کرنے، ڈفالٹر کو گرفتار کرنے یا اسے حراست میں لینے اور ڈفالٹر کی منقولہ اورغیرمنقولہ اثاثوں کے انتظام کے لئے کسی کو مقرر کرنے کا حق ہے۔اہلکار کے مطابق، سیبی نے حکومت کے سامنے پریزنٹیشن میں کہاکہ انکم ٹیکس ایکٹ کے کچھ طریقے پرانے ہو گئے ہیں، جیسے ڈھول بجانا اور عوامی نیلامی۔اخبارات میں اشتہارات اور ای نیلامی جیسے نئے طریقے بہتر نتائج دے سکتے ہیں۔ سیبی نے وصولی کے تیز اور مؤثر طریقوں کو عمل میں لانے کے لیے حکومت کو قوانین میں ضروری ترمیم کرنے کو کہا ہے۔آئی ٹی ایکٹ کے موجودہ دفعات کے تحت کسی بھی جائیداد پر قبضہ کرنے سے پہلے کسی معروف جگہ یا ضبط کی جانے والی جائیداد کے پاس ڈگڈگی پٹوا کر یا منادی (پکار) لگوا کر منسلکہ وغیرہ کے حکم کا اعلان کرنا ہوتا ہے۔اس کے علاوہ ضبطی کے حکم کو مذکورہ جائیداد کے احاطے میں عوام کو واضح طور پر نظر آنے والے مقام پر اور ٹیکس وصولی افسر کے آفس کے بورڈ پر پیسٹ ہوتا ہے۔وزارت نے سیبی کی تجاویز کے جواب میں کہا کہ آئی ٹی ایکٹ کے وصولی کے دفعات کو سیبی ایکٹ کے تحت نظر ثانی کی جا سکتا ہے اور یہ حق مرکزی حکومت کے پاس ہے،چنانچہ اس میں ترمیم مرکزی حکومت کے بنائے قوانین کی بنیاد پر ہی ہونا چاہیے۔