بی ڈی اے کے نئے چیرمین اسٹیل برڈج منصوبے سے لاعلم 

Source: S.O. News Service | By Shahid Mukhtesar | Published on 11th January 2019, 12:25 AM | ریاستی خبریں |

بنگلورو۔10؍جنوری(ایس او نیوز) بنگلور ڈیولپمنٹ اتھارٹی ( بی ڈی اے) کے چیرمین کی حیثیت سے عہدہ سنبھالنے کے بعد یشونت پور کے رکن اسمبلی ایس ٹی سوم شیکھر نے شہر میں بی ڈی اے کی طرف سے مجوزہ اسٹیل برڈج کی تعمیر کے منصوبے سے لاعلمی کا اظہار کیا۔

عہدہ سنبھالنے کے بعد اخباری نمائندوں سے بات چیت کرتے ہوئے انہوں نے کہاکہ اس سے پہلے وہ بی ڈی اے کے رکن بھی رہ چکے ہیں اب مخلوط حکومت میں انہیں اس ادارے کا چیرمین مقرر کیاگیا ہے۔اس مدت کے دوران انہوں نے کبھی بی ڈی اے میں شہر میں اسٹیل برڈج کی تعمیر کے کسی بھی منصوبے کے بارے میں نہیں سنا۔ صرف ذرائع ابلاغ میں یہ باتیں ہوتی رہیں کہ بی ڈی اے کی طرف سے فلاں مقام پراسٹیل برڈج تعمیر کیاجارہاہے۔ بی ڈی اے کی میٹنگوں میں باضابطہ اس موضوع پر کبھی بحث نہیں ہوئی۔ بی ڈی اے جیسے اہم ادارے کا چیرمین مقرر کئے جانے پر وزیراعلیٰ ایچ ڈی کمار سوامی اور کانگریس قائدین کا شکریہ ادا کرتے ہوئے سوم شیکھر نے کہاکہ حکومت اور پارٹی نے انہیں جو ذمہ داری دی ہے اسے وہ بخوبی نبھانے کی کوشش کریں گے۔ عوام کی طرف سے جن مسائل کی بھی نمائندگی ان سے کی جائے گی اسے سلجھانے کی دیانتدارانہ کوشش کریں گے۔ انہوں نے کہاکہ بنگلور ڈیولپمنٹ اتھارٹی نے شہریان بنگلور میں جو معتبر مقام اور مرتبہ حاصل کیا ہے اسے برقرار رکھتے ہوئے اس ادارے کے ذریعے شہر کی ترقی کے لئے جدوجہد کریں گے۔ اس موقع پر نائب وزیر اعلیٰ ڈاکٹر جی پرمیشور، اور رکن اسمبلی بائرتی بسوراج نے سوم شیکھر کو عہدہ سنبھالنے پر مبارکباد دی۔ 
 

ایک نظر اس پر بھی

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...