اچھی خبر!سلیکٹرز اور امپائروں کی تنخواہ بڑھائے گا بی سی سی آئی 

Source: S.O. News Service | By Shahid Mukhtesar | Published on 1st June 2018, 4:04 PM | اسپورٹس |

نئی دہلی ،31؍مئی ( ایس او نیوز؍آئی این ایس انڈیا ) بی سی سی آئی نے تین قومی سلیکٹرزامپائروں، اسکورر اور ویڈیوز تجزیہ کاروں اور دیگر لوگوں کی فیس دگنی کرنے کا فیصلہ کیا۔بی سی سی آئی کی سبا کریم کی صدارت والی کرکٹ آپریشنل ونگ نے یہ فیصلہ کیا۔سی او اے کو بھی لگتا ہے کہ چیف سلیکٹر ایم ایس کے پرساد اینڈ کمپنی کوان کی خدمات کا فائدہ ملنا چاہئے۔دلچسپ بات یہ ہے کہ بی سی سی آئی خزانچی انروددھ چودھری تنخواہ بڑھانے کے فیصلے سے آگاہ نہیں تھے۔اب چیئرمین کو سالانہ 80 لاکھ روپے جبکہ دیگر سلیکٹرز کو 60 لاکھ روپے مل رہے ہیں۔تنخواہ بڑھانے کا فیصلہ اس لئے کیا گیا کیونکہ باہرکئے گئے سلیکٹر گگن کھوڑا اور جتن پرانجپے بھی اتنی ہی تنخواہ حاصل کر رہے ہیں جتنا دیوانگ گاندھی اور سرندیپ سنگھ کی ہے۔بی سی سی آئی کے سینئر اہلکار نے کہاکہ سلیکٹرز کی تقرری عام سالانہ اجلاس میں ہی ہو سکتی ہے، جتن اور گگن اپنی خدمات نہ دینے کے باوجود قواعد کے مطابق اتنی ہی تنخواہ پا رہے ہیں۔دیوانگ اور سرندیپ کے ساتھ یہ ٹھیک نہیں ہو گا کیونکہ وہ ملک سے باہربھی آتے جاتے رہتے ہیں۔امید ہے اب چیف سلیکٹر کو تقریباً ایک کروڑ روپے ملیں گے جبکہ دو دیگر کو 75سے 80 لاکھ روپے کے قریب ملیں گے۔بی سی سی آئی نے چھ سال کے وقفے کے بعد گھریلو میچ ریفریوں، امپائروں، اسکورر اور ویڈیوز تجزیہ کاروں کی فیس بھی دگنی کرنے کا فیصلہ کیا۔فیس بڑھانے کی سفارش سبا کریم نے 12اپریل کو سی او اے کے ساتھ ملاقات کے دوران کی تھی۔حالانکہ خزانچی چودھری کو ان مالیاتی فیصلوں سے دور رکھا گیا۔بی سی سی آئی افسر نے کہاکہ مجھے یاد ہے کہ انروددھ نے گزشتہ سال مالیاتی کمیٹی کے اجلاس کے دوران اس کے اضافہ کا مشورہ دیا تھا لیکن مجھے نہیں لگتا کہ انہیں اس بار اس فیصلے میں شامل کیا گیاہے۔امپائروں پر نظر ثانی فیس کے فرسٹ کلاس میچ، 50اوورز کے میچ یا تین روزہ میچ میں 40,000 روپے روزانہ ملیں گے جبکہ پہلے انہیں 20,000 روپے روزانہ ملتے تھے۔ٹی 20میچوں میں اسے 10,000 روپے سے بڑھا کر 20,000 روپے ہر میچ کر دیا جائے گا۔ میچ ریفریوں کو چار روزہ، تین روزہ اور ایک روزہ میچ کے کیلئے 30,000 روپے جبکہ ٹی 20 میچوں کے لیے 15,000 روپے ملیں گے۔ اسکورر کو اب میچ کے دن 10,000 روپے جبکہ ٹی 20میچوں میں 5,000 روپے ملیں گے۔ویڈیوز تجزیہ کاروں کو ٹی 20میچوں کے لیے 7,500 روپے جبکہ دیگر میچوں کے لیے 15,000 روپے روزانہ ملیں گے۔اس دوران تلنگانہ کرکٹ ایسوسی ایشن نے بھی سی او اے سے ایسوسی ایٹ رکنیت کا مطالبہ کیا ہے کیونکہ حیدرآباد کے پاس ووٹر رکن کے طور پر بنیادی رکنیت حاصل ہے۔

ایک نظر اس پر بھی

ملک کو مزید بہترین سنگلزکھلاڑیوں کی ضرورت ہے: امرت راج

ہندوستان کے عظیم ٹینس کھلاڑی وجے امرت راج نے کہا کہ ملک کو اگر دنیا میں ایلیٹ گروپ میں شامل ہونا ہے تو اسے بہترین سنگلز کھلاڑیوں کو تیار کرنے کی ضرورت ہے۔ ہندوستان کو حال میں ڈیوس عالمی گروپ پلے آف میچ میں سربیا سے 0-4 سے شکست کا منہ دیکھنا پڑا اور امرت راج کو لگتا ہے کہ ملک میں ...

بھٹکل انجمن پی یوکالج نے جیتا ضلع لیول کبڈی ٹورنامنٹ میں چمپئین شپ کا خطاب

اترکنڑا ضلع پی یو بورڈ تعلیمات عامہ ، وائی ٹی ٹی ایس پی یو کالج یلاپور اور سرکاری پی یو کالج یلاپور کے اشتراک سے یلاپور سرکاری پی یوکالج کے کالما تعلقہ کھیل میدان میں منعقدہ پی یو کالج ضلع لیول کبڈی ٹورنامنٹ میں انجمن پی یو کالج بھٹکل کی ساحل عمری کی کپٹن شپ میں  چمپئین شپ کا ...

اگر وزیر کھیل نے نہیں دیا جواب تو کورٹ کا راستہ اپنائیں گے؛ بجرنگ پونیا نے اسپورٹس منسٹر کو کیا متنبہ

راجیو گاندھی کھیل رتن ایوارڈ نہ ملنے سے مایوس اسٹار پہلوان بجرنگ پونیا نے وزیر کھیل وردھن سنگھ راٹھور سے ملاقات کی اور کہاکہ انہیں یقین ہے کہ ان کے معاملے پر غور کیا جائے گا۔بجرنگ نے کہاکہ مجھے آج وزیر کھیل سے ملنا تھا لیکن اچانک ہی ہمیں گزشتہ شام ملاقات کے لیے فون آ گیا۔