شری سنت پر لگی پابندی کو ہٹانے سے بورڈ کا انکار

Source: S.O. News Service | By Shahid Mukhtesar | Published on 20th April 2017, 11:26 AM | اسپورٹس |

ممبئی،19؍اپریل(ایس او نیوز؍آئی این ایس انڈیا) تیز گیند باز ایس شری سنت پر لگی تاحیات پابندی کو ہٹانے کی اپیل کو بی سی سی آئی نے مسترد کر دیا ہے۔ بورڈ کا کہنا ہے کہ وہ بدعنوانی کے تئیں صفر رواداری کی اپنی پالیسی سے کوئی سمجھوتہ نہیں کرے گا۔ بی سی سی آئی نے شری سنت کو خط لکھ کر اپنے فیصلے کی اطلاع دی ہے۔ اس کرکٹر نے 2013 اسپاٹ فکسنگ کیس میں اپنے اوپر لگی پابندی ہٹانے کے لئے منتظمین کی کمیٹی (سی اواے) سے اپیل کی تھی جس کے بعد بی سی سی آئی کے چیف ایگزیکٹو آفیسر راہل جوہری نے یہ خط بھیجا ہے۔بی سی سی آئی کے ایک سینئر افسر نے کہا کہ بی سی سی آئی نے معلومات دی ہے کہ اس کی تاحیات پابندی برقرار رہے گی اور اسے مسابقتی کرکٹ کے کسی فارمیٹ میں کھیلنے کی منظوری نہیں ہو گی۔ اس نے کیرل میں مقامی عدالت میں بھی اپیل کی ہے اور ہمارے وکیل کو جواب دیں گے۔

ذرائع نے کہا کہ بی سی سی آئی کی طرف سے خراب سرگرمیوں کے خلاف ہمیشہ صفر رواداری کی پالیسی اپنائی گئی ہے، کسی بھی عدالت نے سری سنت کو فکسنگ کے الزامات سے آزاد نہیں کیا۔ انڈرورلڈ کے ساتھ اس کے تعلقات کے الزامات ہی نچلی عدالت نے مسترد کئے ہیں۔ساتھ ہی یہ واضح کر دیا گیا ہے کہ برطانیہ میں کلب کرکٹ کھیلنے کے لئے شری سنت کو منظوری نہیں ملے گی اور بی سی سی آئی نے ان کے معاملے کو بند کر دیا ہے۔شری سنت کی عرضی کے جواب میں پیر (17 اپریل) کو بی سی سی آئی نے کیرالہ ہائی کورٹ کے سامنے حلف نامہ دائر کیا تھا جس میں انہوں نے دہلی کی عدالت کی طرف سے الزامات سے آزادکئے جانے کے باوجود بی سی سی آئی کی تاحیات پابندی نہیں ہٹانے کو چیلنج کیا تھا۔

ایک نظر اس پر بھی

یونس خان 10ہزار رنز بنانے والے پاکستان کے پہلے اوردنیاکے 13ویں بلے باز بنے

یونس خان ٹیسٹ کرکٹ میں 10ہزار رنز بنانے والے پہلے پاکستانی اور دنیا کے تیرہویں بلے بازبن گئے۔ انہوں نے یہ اعزاز ویسٹ انڈیز کے خلاف جمیکا میں پہلے ٹیسٹ کے تیسرے روزچیس کی ایک گیند پرچوکا لگاکر حاصل کیا۔

دبئی میں 28 اپریل کو ہوگا ایک روزہ ٹینس بال کرکٹ ٹورنامنٹ؛ صبح شروع ہوکر رات کو ہوگا ٹورنامنٹ کا اختتام

دبئی کے البطایہ انٹرنیشنل کرکٹ گراؤنڈ میں مورخہ 28 اپریل بروز جمعہ کو یکروزہ کرکٹ ٹورنامنٹ منعقد کیا گیا ہے جس میں آٹھ ٹیمیں حصہ لیں گی۔ این جی ٹی۔ ٹینس بال کرکٹ ٹورنامنٹ کے میچس صبح سے شروع ہوں گے اور رات کو فائنل میچ کے ساتھ ٹورنامنٹ اختتام کو پہنچے گا۔