بی سی سی آئی کے قائم مقام سیکرٹری نے سی او اے سے منظوری لئے بغیر بڑھا یاجنرل منیجر کا معاہدہ

Source: S.O. News Service | By Shahid Mukhtesar | Published on 4th April 2018, 12:29 PM | اسپورٹس |

نئی دہلی،03؍اپریل (ایس او نیوز؍ آئی این ایس انڈیا ) سی او اے کی طرف ایک کنارے کئے گئے بی سی سی آئی کے قائم مقام سیکرٹری امیتابھ چودھری نے آج جوابی حملہ کرتے ہوئے جنرل منیجر (کھیل کی ترقی)پروفیسر رتناکر شیٹی کو تین ماہ کی توسیع کردی ۔حالانکہ شیٹی کو دئیے گئے توسیع کی موزونیت پر سوالیہ نشانہ بنا رہے گا کیونکہ اسے سی اواے اہم ونود رائے کی منظوری نہیں ملی ہے۔سی اواے نے اینٹی کرپشن یونٹ (اے سی یو) کے سابق سربراہ نیرج کمار کو دو ماہ کی توسیع دیتے ہوئے شیٹی کو توسیع دینے کے قائم مقام سیکرٹری چودھری کی درخواست کو مسترد کردی تھی۔ شیٹی بورڈ سے گزشتہ تین دہائی سے بھی زیادہ عرصے سے جڑے ہوئے ہیں۔ ناراض چودھری نے اے سی یو کے نئے سربراہ اجیت سنگھ کی تقرری پر دستخط نہ کرنے کا فیصلہ کیا تھا۔ سی یو اے کی ہدایت پر سی ای او راہل سنار نے تقرری کی منظوری دے دی تھی۔ حالانکہ آج جب بی سی سی آئی کے گھریلو سیریز کے میڈیا حقوق کی نیلامی ہو رہی تھی، چودھری نے شیٹی کو ایک خط بھیج کر ان کی خدمات کی توسیع کی منظوری دے دی۔ایسا کارگزار صدر سی کے کھنہ اور خزانچی انروددھ چودھری کے ساتھ بات چیت کے بعد کیا گیا۔یہ ای میل کی ایک کاپی پی ٹی آئی کے پاس ہے اور اسے سی اواے کے پاس بھی بھیجا گیا ہے۔خط میں لکھا گیا کہ بی سی سی آئی کے عہدیدار کرکٹ تنظیم کے تئیں شیٹی کے انمول خدمات کے اعتراف میں معزز کمیٹی کے ساتھ مشترکہ طور پر اتفاق کرتے ہیں اور اس وجہ سے پرانی شرائط کے ساتھ بورڈ کی جانب سے ان کا معاہدہ 30 جون، 2018 تک بڑھا جا رہا ہے۔سپریم کورٹ کی طرف سے مقرر کمیٹی اور سی ای اور تینوں اوپر عہدیداروں (سی کے کھنہ، امیتابھ چودھری، انروددھ چودھری)کے درمیان جنگ ہر دن تیز ہوتی جا رہی ہے اور دونوں اطراف میں بات چیت کا سب ذریعہ بند ہو چکا ہے۔

ایک نظر اس پر بھی

فخر زمان ڈبل سنچری بنانے والے پہلے پاکستانی بلے باز بن گئے

زمبابوے کے خلاف چوتھے ون ڈے میچ میں فخر زمان نے 200 رنز کی اننگ کھیل کر شاندار کارنامہ انجام دے دیا ہے اور ڈبل سینچری بنانے والے پاکستان کے پہلے کھلاڑی بن گئے ہیں، تاہم اس کے علاوہ پاکستان نے ون ڈے کرکٹ میں زمبابوے کو 400 رنز کا ہدف دے کر اپنا اب تک کا سب سے بڑا ٹوٹل بھی بنا ڈالا ہے۔

فرانس کے سرپر فیفا ورلڈ کپ کا تاج

ورلڈ کپ 2018ء کا خطاب فرانس نے آج یہاں لیزینگی اسٹیڈیم میں کھیلے گئے مقابلے میں کروشیا کو 4-2گول سے ہراکر جیت لیا۔ فائنل میں سنسنی خیز مقابلے کے بعد فرانس پر ولڈ کپ کا تاج سجا جبکہ تاریخ میں پہلی بار فائنل کھیلنے والی کروشین ٹیم کو شکست ہوئی تاہم گراؤنڈ میں کھیل کے شائقین کی جانب ...

سچن ، سہواگ کو پیچھے چھوڑ دیتا یہ پاکستانی کرکٹر، لیکن اب لگنے والی ہے پابندی

پاکستان کے سابق آل راونڈرعبد الرزاق نے ابھی حال ہی میں بیان دیا تھا کہ سلامی بلے باز احمد شہزاد بہت باصلاحیت ہیں اوروہ سہواگ اور سچن تندولکر جیسے عظیم بلے بازوں کو بھی پیچھے چھوڑنے کی صلاحیت رکھتے ہیں،