بی بی ایم پی نے ترقی پسند اور عوام پر ور بجٹ پیش کیا

Source: S.O. News Service | By Shahid Mukhtesar | Published on 24th February 2019, 11:19 AM | ریاستی خبریں |

بنگلورو،24فروری (ایس او  نیوز) سینئر کانگریس کارپوریٹر ایم کے گنا شیکھر نے کہا کہ رواں سال کا بروہت بنگلور مہا نگر پالیکے ( بی بی ایم پی ) کا بجٹ ترقی پر مبنی ہے ۔بجٹ پر بحث کے دوران کونسل اجلاس میں انہوں نے کہا کہ حقیقی بجٹ پیش کرنے میں مرکز ،ریاستی حکومتیں اور بلدی ادارے سیاسی دباؤ کی وجہ سے ناکام رہتے ہیں ۔ انہوں نے کہا کہ اس مرتبہ کا بی بی ایم پی بجٹ حقیقت سے بالکل قریب والا بجٹ ہے ۔ انہوں نے کہا کہ اس مرتبہ بجٹ میں کرگا تہوار کے انعقاد کے لئے بہت ہی کم رقم مختص کی گئی ہے ۔ کم سے کم ایک کروڑ روپئے اس کیلئے مختص کیا جانا چاہئے۔ گنا شیکھر نے بتایا کہ گزشتہ بی جے پی کے دور اقتدار میں بی بی ایم پی کو 6702روپئے کا فنڈ ملا تھا ۔ لیکن کانگریس حکومت کے دور اقتدار میں 12,346کروڑ روپئے کا فنڈ جاری کیا گیا ہے۔ انہوں نے کہا کہ اس اعداد وشمار پر روشنی ڈالی جائے تو کانگریس حکومت ترقی پسند حکومت ہے ۔انہوں نے بتایا کہسال2010-11 کے دوران بی بی ایم پی بجٹ کو 7ماہ کے بعد حکومت نے فنڈ جاری کیا تھا ۔ اس کے علاوہ کوئی بھی افزود ترقیاتی کام نہ کرنے کی ہدایت بھی دے رکھی تھی۔گنا شیکھر نے کہا کہ 230کروڑ روپئے سے زائد جاب کوڈ کاراتو ں رات ٹنڈر گھوٹالہ کرنے والی خود بی جے پی ہی ہے ۔ انہوں نے کہا کہ حکومت سے بی بی ایم پی کو جی ایس ٹی سے 25فی صد کی حصہ داری ملنی چاہئے ۔ حکومت پر دباؤ ڈالنے کیلئے بی بی ایم پی کا کل جماعتی وفد حکومت سے ملاقات کرے فوری توجہ دینے اور مانگ پوری کی جانی چاہئے ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔