بی بی ایم پی کو تقسیم کرنے کے منصوبے پر دیوے گوڈا برہم

Source: S.O. News Service | By Shahid Mukhtesar | Published on 25th October 2016, 11:02 AM | ریاستی خبریں | ان خبروں کو پڑھنا مت بھولئے |

بنگلورو،24؍اکتوبر(ایس او نیوز) سابق وزیر اعظم اور جنتادل (ایس) کے قومی صدر ایچ ڈی دیوے گوڈا نے برہت بنگلور مہانگر پالیکے کو چار حصوں میں تقسیم کرنے کی کوششوں پر شدید نکتہ چینی کی ہے۔ انہوں نے کہاکہ جو لوگ شہر بنگلور کو چار حصوں میں تقسیم کرنے کی باتیں کرتے ہیں انہیں شہر کے عوام کے جذبات کا احساس نہیں ہے۔ دیوے گوڈا نے کہاکہ ریاست میں اگر حکومت چلانا مشکل ہوگیا تو کیا ریاست کو بھی کئی حصوں میں تقسیم کردیا جائے گا؟ بی بی ایم پی کو تقسیم کرنے وزیراعلیٰ سدرامیا کی کوشش پر انہوں نے کہاکہ یہ ایک اچھے وزیر اعلیٰ کی نشانی نہیں ہے۔ آج شہر میں وکلیگا سنگھا کے زیر اہتمام منعقدہ تقریب سے خطاب کرتے ہوئے دیوے گوڈا نے کہاکہ شہر میں بے روزگاری کا مسئلہ کافی حد تک بڑھ چکا ہے، حکومت کو اس پر توجہ دینی چاہئے، لیکن بدقسمتی سے کئی برسوں سے حکومتیں اس مسئلے پر توجہ نہیں دے پارہی ہیں۔ کسانوں کو بھی زراعت کے جدید ترین آلات مہیا کرانے میں حکومتوں کو ناکام قرار دیتے ہوئے دیوے گوڈا نے کہاکہ حکومتوں کی لاپرواہی کے نتیجہ میں کسانوں کو خود کشی پر مجبور ہونا پڑ رہاہے۔ انہوں نے کہاکہ ماضی میں بروقت بارش ہوا کرتی تھی، لیکن بدلتے وقت کے ساتھ بارش کا اوسط گھٹ کر محض 30 فیصد رہ گیا ہے۔ ریاست کرناٹک پانی کے معاملے میں دو بڑے تنازعات میں گھری ہوئی ہے اور اس کا خمیازہ دیہی علاقوں میں کسانوں اور شہری علاقوں میں عوام کو بھگتنا پڑ رہا ہے۔ کرناٹک میں پینے کے پانی کی بھی عدم دستیابی کے باوجود تملناڈو کو فصلوں کیلئے پانی مہیا کرانے عدالت کے حکم پر عدم اطمینان ظاہر کرتے ہوئے دیوے گوڈا نے کہاکہ جینے کیلئے پینے کا پانی اور ہوا ضروری ہے ، بدقسمتی سے عدالت میں فیصلہ کرنے بیٹھے ہوئے ججوں کو شاید اس کا احساس نہیں ہے۔ دیوے گوڈا نے کہاکہ کاویری تنازعہ ختم نہیں ہوا ہے، بلکہ عارضی طور پر سرد ہوا ہے۔ ریاستی حکومت کو اس معاملے میں سخت موقف اپنانے کی ضرورت ہے۔ اس موقع پر سابق وزیر سی ٹی روی ، وکلی گرا سنگھا کے صدر اپاجی گوڈا اور دیگر شخصیتیں موجود تھیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...