بنگلوروشہر کے تمام نالوں کی مرمت کا کام مکمل کرنے میں پالیکے ناکام نشیبی علاقوں کے لوگ ابھی بھی خوف زدہ ، گاڑی سواروں کو پریشانی لاحق ہونے کا امکان

Source: S.O. News Service | By Shahid Mukhtesar | Published on 10th July 2018, 10:57 AM | ریاستی خبریں |

بنگلورو10؍جولائی (ایس او نیوز) سلیکان سٹی بنگلورو میں گزشتہ سال ریکارڈ بارش ہوئی تھی ۔ جس کے سبب کئی نشیبی علاقہ زیر آب ہوگئے تھے ، کئی جانیں بھی تلف ہوئیں اور کافی نقصانات بھی ہوئے ۔ اس کے لئے بروہت بنگلورو مہانگر پالیکے (بی بی ایم پی ) نے معاوضہ بھی دیا اور تعمیری کام شروع کرنے کا بیڑا بھی اٹھایا لیکن کئی علاقوں میں اب تک تعمیری کام مکمل نہیں ہوا ہے ۔

باوثوق ذرائع سے ملنے والی اطلاع کے مطابق بی بی ایم پی کی حدود میں جملہ 842 کلو میٹر نالے موجود ہیں ۔ ان میں سے 296.35 کلو میٹر کے نالوں کے اطراف دیواروں کی تعمیر ، پاکی صفائی سمیت دیگر کام مکمل کئے جاچکے ہیں ۔ اس کے ساتھ ہی92.35 کلو میٹر طویل نالوں کی مرمت کا کام چل رہا ہے، مزید 453 کلو میٹر نالوں کے اطراف دیوار وں کی تعمیر اور مرمت کا کام ابھی باقی ہے ۔ گزشتہ سال شہر میں جو زبردست بارش ہوئی تھی اس موقع پر نالوں کا پانی سڑکوں پر بہہ جانے کے سبب نشیبی علاقے تالاب میں تبدیل ہوگئے۔ اس کے ساتھ ہی 3 افراد پانی میں بہہ کر جاں بحق ہوگئے تھے۔ حادثات پیش آنے کے بعد بی بی ایم پی نے شہر کے شنکر مٹھ، ایچ ایس آر لے آؤٹ ، کمبارگنڈی ، آنے پالیہ ، پائی لے آؤٹ سمیت 52 علاقوں میں تعمیری کام شروع کیا گیا ۔ اس کے بعد پالیکے نے یقین دہانی کراتے ہوئے کہا کہ بارش کے موسم میں ان علاقوں میں مسائل درپیش نہیں ہوں گے ۔ جن علاقوں میں تعمیری کام مکمل نہیں ہوا ہے ان علاقوں کے مکینوں میں ڈر و خوف کا ماحول شروع ہوگیا ہے ۔ مقامی لوگوں کا کہنا ہے کہ شہر کے نائنڈہلی جنکشن میٹرو اسٹیشن کے قریب ہر سال بارش کے موسم میں بھاری مقدار میں پانی جمع ہوجاتا ہے ۔ گزشتہ سال زیادہ پانی جمع ہونے کے سبب کاریں تیرتے ہوئے دیکھے گئے ۔ میسور روڈ ساؤتھ اور راجہ راجیشوری نگر زون میں شامل ہونے کے باوجود یہا ں کے نالوں کا کام ابھی تک مکمل نہیں کیا گیا ہے ۔ ورشابھاوتی نالے میں بہنے والے پانی کا بہاؤ نائنڈہلی جنکشن میں کم ہوتا ہے ۔ اس سے ورشابھاوتی اور نائنڈہلی جنکشن سے گزرنے والے گاڑی سواروں کو پریشانیوں کا سامنا کرنا پڑتا ہے ۔ بی بی ایم پی ذرائع کے مطابق ایچ ایس آر لے آؤٹ کے ایس ٹی بیڈ ، ایچ ایس آر 5، 6 اور7 ویں سیکٹر س دو سالوں میں 17 مرتبہ زیر آب ہوچکے ہیں ۔ جس کے سبب 21کروڑ روپیوں کے اخراجات سے سڑکوں کو اونچا کرکے وہاں پر چھوٹے نالے تعمیر کئے جارہے ہیں ۔ جس کے نتیجے میں سلک بورڈ کے نالے سے بہہ کر ایچ ایس آر لے آؤٹ کے نالے میں چلا جائے گا اس سے اس علاقہ میں پانی داخل ہونے کے امکانات بہت کم ہیں ۔ اسی طرح شہر کے جے سی روڈ کے قریب واقع کمبارگنڈی لے آؤٹ میں 2 کروڑ روپیوں کے اخراجات سے نالے کے اطراف دیوار تعمیر کی گئی ہے ۔لیکن نالے پر تعمیر کردہ مکانات ہٹانے کا معاملہ عدالت میں زیر سماعت ہے اس لئے وزیر اعلیٰ اور وزراء کے ان مقامات پردورہ کرنے کے باوجود یہ مسئلہ حل نہیں ہوسکا ۔ 

ایک نظر اس پر بھی

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

مرکزی ریلوے وزیر پیوش گوئل کی موجودگی میں کمار سوامی نے سب اربن ریلوے کو منظوری دی

وزیر اعلیٰ ایچ ڈی کمار سوامی آج اپنے رہائشی دفتر کرشنا میں مرکزی وزیر برائے ریلوے و کوئلہ پیوش گوئل سے ملاقات کی ریاست میں کوئلہ ( ایندھن)کی فراہمی اور سب اربن ریلوے منصوبہ کے سلسلہ میں تبادلہ خیال کیا ۔

وقف بورڈ انتخابات : اب تک ماڈل بیلیٹ پیپر جاری نہ کرنے پرامیدوار برہم،الیکٹرول میں بوگس ووٹروں کو شامل کرنے کاالزام

کرناٹک اسٹیٹ وقف بورڈ کے 2مارچ کو ہونے والے انتخابات کیلئے ماڈ ل بیلٹ پیپر آج تیار کئے جانے کی اطلاع ملی ہے ، جبکہ یہ ماڈل بیلٹ پیپر 18فروری کو ہی تیار کیا جانا تھا، بروقت ماڈل بیلٹ پیپر نہ ملنے سے بیزار امیدوارانتخابی مہم چلانے دوروں پر نکل چکے ہیں۔

بی بی ایم پی میں چہرہ شناس بائیو میٹرک نظام ضروری گنڈنا کا مطالبہ۔افسران اور ملازمین کی جانب سے لاپروائی کئے جانے کا الزام

رواں سال کے بروہت بنگلورو مہانگر پالیکے( بی بی ایم پی) بجٹ میں کئے گئے اعلان کے مطابق چہرہ پر کھنے والے بائیو میٹرک نظام لازمی طورپر جاری کئے جانے سے ہی بہتر انتظامیہ ممکن ہے۔