میونخ، 21 مئی(ایس اونیوز/آئی این ایس انڈیا)بائرن میونخ کے کپتان فلپ لام نے اپنے کیریئر کے آخری میچ میں فتح حاصل کرکے فٹ بال دنیا سے ریٹائرمنٹ لے لیا۔ لام کی قیادت میں اپنے آخری میچ میں بائرن نے پھریگ برگ کو 4-1 سے شکست دی۔ لام کا بائرن کے لئے جرمن لیگ کلب میں کھیلا گیا یہ آخری اور 517 واں میچ تھا۔ انہیں اس موقع پرکئی ایوارڈ بھی دئے گئے۔قابل ذکر ہے کہ گزشتہ ماہ بائرن کلب نے مسلسل پانچویں مرتبہ جرمن لیگ خطاب جیتا تھا۔ اپنے کیریئر میں لام نے آٹھ جرمن لیگ خطاب، 6 جرمن کپ، ایک چمپئنز لیگ، ایک کلب ورلڈ کپ اور ایک ورلڈ کپ ٹائٹل جیتا۔ کلب کے چیئرمین کارل-ہینز رمینگے نے کہا کہ 2002 میں کلب کے ساتھ کیریئر کی شروعات کرنے والے لام ہمیشہ بائرن کے بہترین کھلاڑیوں میں جانے جائیں گے، وہ میدان میں اور میدان کے باہر کلب کے لئے انتہائی اہم کھلاڑی ہیں۔