پارلیمنٹ جموں وکشمیر میں رہنے والے ہندستانی شہریوں کے لیے ہندستانی آئین میں دیئے گئے، تمام بنیادی حقوق یقینی بنائے، پنتھرس کا مطالبہ

Source: S.O. News Service | By Shahid Mukhtesar | Published on 12th August 2017, 12:27 PM | ملکی خبریں |

جموں،11/اگست(ایس او نیوز/آئی این ایس انڈیا)نیشنل پنتھرس پارٹی کے سرپرست اعلیٰ پروفیسربھیم سنگھ نے ہندستان کے نومنتخب صدر رام ناتھ کووند پر زور دیا ہے کہ وہ دفعہ-370کے تحت حاصل اختیارات کا استعمال کرتے ہوئے ہندستانی آئین میں دیئے گئے تمام بنیادی حقوق کو جموں وکشمیر میں رہنے والے ہندستانی شہریوں کے لیے یقینی بنائیں۔پنتھرس سربراہ نے کہاکہ ہندستانی آئین کے چیپٹر۔تین میں دی گئی بنیادی حقوق کی ضمانت کو آرٹیکل۔35میں ترمیم کرکے جموں وکشمیر کے باشندوں کو ان  سے محروم کردیاگیا۔پروفیسربھیم سنگھ نے دونوں سیاسی پارٹیوں بھارتیہ جنتا پارٹی اورخاص طورپر کانگریس کوصورتحال کا مقابلہ کرنے کے لیے ان کے ساتھ آنے کی دعوت دی تاکہ ہندستان کے لوگوں کو  گزشتہ70برسوں سے بنیادی حقوق سے محروم جموں وکشمیر کے باشندوں کے ساتھ ہوئے امتیاز کا احساس ہوسکے۔انہوں نے کہاکہ جموں وکشمیر کے باشندوں کے خلاف  پبلک سیفٹی ایکٹ کا استعمال اسی آرٹیکل 35(اے)کے سبب ہورہا ہے جو جموں وکشمیر حکومت کو جموں وکشمیر میں رہنے والے ہندستانی شہریوں کے کسی بھی طرح کے بنیادی حقوق کو منہدم کرنے کی طاقت فراہم کرتی ہے۔    پنتھرس سپریمو نے کہاکہ پنتھرس پارٹی  آرٹیکل 35(اے) اوردفعہ۔ 370کے سبب جموں وکشمیر کے باشندوں کو بنیادی حقوق پر پڑنے والے اثرات  پر مذاکرات کی شروعات کرے گی۔

ایک نظر اس پر بھی

آلوار ہجومی قتل کے معاملے میں نریندر مودی کے "بے رحم نیو انڈیا" پر راہول گاندھی برس پڑے؛ کہا انسانیت نفرت میں تبدیل ہوگئی ہے

راجستھان کے آلوار میں ایک 31 سالہ نوجوان، اکبر کی  مبینہ گئو آتنکیوں  کے ذریعے  پیٹ پیٹ کر  قتل کرنے کے معاملے میں پولس کے کردار پر بھی سوالات اُٹھ کھڑے ہوگئے ہیں۔ اس دوران کانگریس کے صدر راہول گاندھی نے  ایک نیوز رپورٹ کو ٹیک  کرتے ہوئے، راجستھان پولیس  پر سوال اُٹھاکر  ...

ہم جنتا کے سپنوں کے لئے لڑ رہے ہیں؛ مودی کے سپنوں کے لئے نہیں؛ شیو سینا کا امت شاہ کو کرارا جواب

 لوک سبھا سیٹوں کی تعداد کے لحاظ سے دوسری سب سے بڑی ریاست مہاراشٹرا میں بی جے پی اور اُس کی اتحادی شیو سینا کے درمیان کشیدگی اور اختلافات اس  حد تک بڑھ گئے ہیں کہ دونوں کے گٹھ بندھن کا مستقبل خطرے میں نظر آرہا ہے۔ عام انتخابات میں سال بھر سے بھی کم وقت ہے ، لیکن  دونوں گٹھ بندھن ...

شیو سینا سے امت شاہ ناراض، کارکنان کو اکیلے الیکشن لڑنے کی تیاری کرنے کی ہدایت

بی جے پی کے قومی صدر امت شاہ نے مہاراشٹر میں پارٹی کارکنان کو 2019 کا لوک سبھا الیکشن شیو سینا کے بغیر لڑنے کی تیاری کرنے کو کہا ہے۔ انہوں نے مہاراشٹر کے بی جے پی کارکنان کو سبھی 48 لوک سبھا اور 288 اسمبلی سیٹوں پراکیلے لڑنے کے لئے تنظیم کو مضبوط کرنے کا حکم دیا۔

کانگریس سب سے بڑی پارٹی بنی تو راہل گاندھی ہوں گے پی ایم عہدہ کے واحد دعویدار

کانگریس نے اتوار کے روز یہ واضح کر دیا کہ 2019 کے انتخابات راہل گاندھی کی قیادت میں لڑے جائیں گے۔ اگر پارٹی کو 200 سے زیادہ سیٹیں حاصل ہوتی ہیں تو حکومت کانگریس کی قیادت میں بنے گی اور پارٹی صدر ہی اس کا چہرہ ہوں گے۔

خودکش بم کے کردار میں آ رہی ہے کانگریس: بی جے پی ترجمان سنبت پاترا

بھارتیہ جنتا پارٹی (بی جے پی) نے کانگریس صدر راہل گاندھی کی قیادت میں کانگریس ورکنگ کمیٹی (سی ڈبلیو سی) کو پارٹی کی بجائے درباریوں کی کمیٹی قرار دیتے ہوئے اتوار کو کہا کہ کانگریس وزیر اعظم نریندر مودی کی مخالفت میں منفی سیاست کی حد کو پار کر کے خودکش بم کا کردار اختیار کر رہی ہے۔

ماب لنچنگ پر بولےششی تھرور؛ ملک میں آج مسلمانوں سے بہتر ہے گائے ہونا

شک میں بھیڑ کی پٹائی سے ہوئی اکبر خان کی موت کو لے کر کانگریس  لیڈر ششی تھرور نے ایک سخت بیان دیا ہے۔ اپنے ایک مضمون میں تھرور نے لکھا،’’ اس ملک میں کئی جگہوں پر تو مسلمان ہونے سے بہتر گائے ہونا ہے‘‘۔ کانگریس لیڈر کی اس تنقید پر ہنگامہ ہو گیا ہے۔