بسوراج ہورٹی کو تعلیم کا قلمدان ممکن

Source: S.O. News Service | By Shahid Mukhtesar | Published on 3rd November 2018, 10:26 PM | ریاستی خبریں |

بنگلورو، 3؍نومبر (ایس او نیوز) ریاستی لجسلیٹیو کونسل کے عبوری چیرمین بسوراج ہوراٹی کو ریاستی کابینہ میں شامل کئے جانے کے امکانات روشن ہوگئے ہیں۔ بتایاجاتاہے کہ جے ڈی ایس حلقوں میں یہ قیاس آرائی چل رہی ہے کہ ریاست کی مخلوط حکومت میں جے ڈی ایس کے حصے میں آنے والی ایک وزارت کو بسوراج ہوراٹی سے پر کیاجائے گا۔ بتایاجاتاہے کہ جے ڈی ایس کے قومی سربراہ ایچ ڈی دیوے گوڈا اور وزیر اعلیٰ ایچ ڈی کمارسوامی نے کابینہ میں بسوراج ہوراٹی کی شمولیت کو ہری جھنڈی دکھا دی ہے۔ حال ہی میں ریاستی کابینہ میں بی ایس پی کے واحد نمائندہ این مہیش کے استعفیٰ کے سبب جو وزارت خالی ہوئی ہے اس کی جگہ پر بسوراج ہوراٹی کو شامل کیا جارہا ہے امکان ہے کہ انہیں وہی قلمدان دیاجائے گا جو این مہیش کے ذمے تھا۔ بسوراج ہوراٹی اس سے پہلے دھرم سنگھ حکومت میں بھی وزیر برائے بنیادی وثانوی تعلیمات کے طور پر خدمات انجام دے چکے ہیں اور اسی قلمدان پر وہ جے ڈی ایس بی جے پی مخلوط حکومت میں بھی برقرار رہے۔ اب این مہیش کے استعفے کے سبب دوبارہ انہیں یہی قلمدان دئے جانے کی توقع ظاہر کی جارہی ہے۔بتایا جاتاہے کہ اس قلمدان کو سنبھالنے میں بسوراج ہوراٹی کے دیرینہ تجربے کے ساتھ لیجسلیٹیو کونسل کے لئے اساتذہ کے حلقے سے مسلسل ان کا انتخاب انہیں اس وزارت کے لئے موزوں ترین نمائندہ ثابت کرتا ہے۔ ضمنی انتخابات کے نتائج کے فوراً بعد توقع ہے کہ کابینہ میں ہونے والی ردوبدل کے مرحلے میں بسوراج ہورٹی کو شامل کرلیا جائے اور ان کی جگہ پر ایوان بالا کے لئے کل وقتی چیرمین کا انتخاب کرلیا جائے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔