بھاسکر شیٹی مرڈر کیس: عدالت میں حاضر نہ ہونے والے فورنسک ماہر پرلگا جرمانہ

Source: S.O. News Service | By S O News | Published on 23rd October 2018, 10:01 PM | ساحلی خبریں |

اڈپی 23؍اکتوبر(ایس او نیوز) ڈسٹرکٹ چیف اینڈ سیشنس کورٹ کے جج وینکٹیش نائک نے بھاسکر شیٹی سنسنی خیز مرڈر کیس کی سماعت کے دوران فورنسک ماہر کی جانب سے عدالت میں حاضری کوٹالنے پر سخت اقدام کرتے ہوئے مذکورہ افسر پر دس ہزار روپے جرمانہ عائد کردیا ۔

خیال رہے کہ این آر آئی تاجر بھاسکر شیٹی کو بے رحمانہ انداز میں قتل کرکے اس لاش کو ٹھکانے لگانے کے الزام میں فی الحال اس کی بیوی راجیشوری شیٹی، اس کا بیٹا اور ایک نجومی جیل میں بند ہے۔ امسال سپریم کورٹ نے راجیشوری کی ضمانت عرضٰ پر فیصلہ دیتے ہوئے کہا تھا کہ اس کیس کے تمام 36گواہوں کے بیانات عدالت میں6مہینے کے اندردرج کرلیے جائیں او راس کے بعد راجیشوری کو مشروط ضمانت پر رہا کیا جائے۔

معلوم ہوا ہے کہ اب تک 35افراد نے عدالت میں حاضر ہوکر گواہی دی ہے۔ صرف فورنسک سائنس لیباریٹری میں ڈی این اے کے ماہر افسرپرشوتم کی گواہی باقی ہے۔ گزشتہ دو سماعتوں کے دوران مذکورہ افسر کی غیر حاضری کو سنجیدگی سے لیتے ہوئے عدالت نے اس افسر کے خلاف قابلِ ضمانت گرفتاری وارنٹ بھی جاری کیا تھا۔ اس کے باوجودپرشوتم اس مرتبہ بھی سماعت کے دوران گواہی کے لئے حاضر نہیں ہوا اور سرکاری وکیل نے عذر ظاہر کیاکہ پرشوتم سخت کمر درد کا شکار ہے اس لئے وہ بنگلورو سے سفر کرکے اڈپی پہنچ نہیں سکا۔لیکن جج نے اس عذر کو نظر انداز کرتے ہوئے پرشوتم پر عدالت کے حکم کی خلاف ورزی کرنے پر 10 ہزاروپے جرمانہ عائد کرنے اور یہ رقم اس کی تنخواہ میں منہا کرکے سرکاری خزانے میں جمع کرنے کا حکم سنایا۔اس کیس کی اگلی سماعت کے لئے 26اکتوبر کی تاریخ مقرر کردی گئی ہے۔

قابلِ ذکر بات یہ ہے کہ سپریم کورٹ نے گواہوں کے بیانات مکمل کرنے کے لئے 6مہینے کی جو مہلت دی تھی، وہ ختم ہوگئی ہے اس لئے مہلت بڑھانے کے لئے سیشنس کورٹ کو سپریم کورٹ سے رجوع ہوناپڑے گا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...