بنٹوال: نیتراوتی ندی میں چھلانگ لگا کر شخص کی خود کشی
بنٹوال:22/ستمبر(ایس اؤ نیوز) نیتراوتی ندی میں چھلانگ لگا کر ایک شخص خود کشی کئے جانے کا واقعہ سنیچر کو برہمرکوٹلو۔ تلپاڑی کے برج پر پیش آیا ہے۔
خود کشی کے ذریعے ہلاک ہونےو الے شخص کی شناخت برہمرکوٹلو کے ماڈنگ کے مکین ہریش (35) بتائی گئی ہے۔ مقامی عوام نے بتایا کہ ہریش پیشہ سے ایک میستری کا کام کیا کرتاتھا۔ خود کشی کی وجہ کا ابھی تک پتہ نہیں چلاہے۔ تلپاڑی کے برج پر واقعہ کے بعد بڑی تعداد میں سواروں نے تجسس کی وجہ سے جمع دیکھے گئے۔ جس کے نتیجے میں قومی شاہراہ پر کچھ دیر کے لئے ٹرافک جام ہوگیا تھا۔ بنٹوال پولس جائے وقوع پہنچ کر قومی شاہراہ کو کھلا کیا تو نظام معمول پر لوٹا۔ پولس معائنہ کررہی ہے۔
تلپاڑی کے تیراک مصطفیٰ، سلیم، شاہ الحمید، بشیر، ایم کے حارث، عارف، تاج الدین ، انور کے ایچ نیتراوتی ندی میں غوطہ لگا کر نعش کو تلاش کرلے باہر لے آنےمیں کامیاب ہوئے۔