بنٹوال،9؍اگست (ایس او نیوز)بنٹوال تعلقہ کے وٹلا کسبا گاؤں میں گرائنڈر میں مصالحہ پیسنے کے دوران حادثاتی طور پرساری کا گھونگھٹ مشین میں پھنس جانے سے ایک گھریلو خاتون کی موت واقع ہوگئی ہے۔ 

موصولہ رپورٹ کے مطابق گھریلو کام کاج کے دوران حادثاتی موت کا شکار ہونے والی اس خاتون کا نام عالیہ ممّا (۴۵سال) بتایا جاتا ہے۔مہلوک خاتون کاشوہر آٹو رکشہ چلاتا ہے۔ جس وقت یہ حادثہ ہوا مذکورہ خاتون گھر پر اکیلی تھی۔جیسے ہی اس کاگھونگھٹ گرائنڈر میں پھنس گیا ، مشین نے اسے گھسیٹنا شروع کیا۔ اس نے مدد کے لئے چیخ و پکار کی تو آس پڑوس کے کچھ لوگ پہنچ گئے اوراسے فوری طور پر اسپتال منتقل کیا۔ مگر علاج کارگر نہ ہونے سے اس کی موت واقع ہوگئی۔