بنٹوال میں چھرا گھونپ کر چچازاد بھائی کا قتل ،قاتل گرفتار

Source: S.O. News Service | By Shahid Mukhtesar | Published on 17th May 2017, 1:29 PM | ساحلی خبریں | ان خبروں کو پڑھنا مت بھولئے |

بنٹوال 17؍مئی (ایس او نیوز)شام کے وقت ایک بار میں شراب نوشی کے دوران دو چچازاد بھائیوں کے درمیان شروع ہونے والا جھگڑا آدھی رات کو قتل میں بدل جانے کی واردات بنٹوال کے بالتیل گرام میں پیش آئی ہے۔

کہتے ہیں کہ شراب نوشی کے دوران رنجیت اور راجیش نامی دو چچازاد بھائیوں میں مارپیٹ ہوئی اور پھر معاملہ رفع دفعہ ہوگیا۔ لیکن راجیش کے دل میں بدلہ لینے کی خواہش شدید ہوگئی تو وہ آدھی رات کوبجلی چلے جانے کا فائدہ اٹھاتے ہوئے اپنے چچا کے گھر میں گھس پڑا اور ایک کمرے میں گہری نیند سوئے رنجیت(۲۸سال) پر چاقو سے حملہ کرکے فرار ہوگیا۔ چاقو کے گہرے زخموں سے بہت زیادہ خون بہنے کی وجہ سے رنجیت نے اسپتال لے جانے سے پہلے ہی دم توڑ دیا۔کہتے ہیں کہ رنجیت کے والدین نے جب راجیش کو حملہ کرنے سے روکنے کی کوشش کی تو اس نے ان دونوں پر بھی چاقو سے وار کیے ۔معمولی طور پر زخمی رنجیت کے والدین کو علاج کے لئے اسپتال میں داخل کیاگیا ہے۔

پولیس کا کہنا ہے کہ قتل کی واردات انجام دے کر فرار ہونے والے راجیش(24سال) کو گرفتار کرلیا گیا ہے۔
 

ایک نظر اس پر بھی

بی جے پی کیخلاف کانگریس کا جاری کردہ ٹیپ جعلی، کرناٹک کانگریس رکن اسمبلی کابیان، کانگریس پریشان 

بی جے پی کے خلاف کانگریس کے ایک جاری کردہ ٹیپ سے کانگریس کی ٹکٹ پر جیت درج کرنے والے یلاپور کے رکن اسمبلی شیورام ہیبار نے پارٹی کی جانب سے جاری کردہ ٹیپ کو جعلی قرار دیاہے۔ اور اس بات کو غلط قرار دیا ہے کہ بی جے پی کی طرف سے انہیں رقم کی پیشکش کی گئی تھی اور وزارتی عہدہ دینے کا بھی ...

فتح کے جشن میں پاکستان نواز نعرے بازی کا جھوٹا ویڈیو۔ مینگلور پولس اسٹیشن میں کانگریس کی طرف سے شکایت درج

بی جے پی کے وزیراعلیٰ ایڈی یورپا کے استعفیٰ دینے اور کانگریس جے ڈی ایس محاذ کے لئے حکومت سازی کی راہ ہموار ہونے کی خوشی میں منگلور و کے کانگریس دفتر میں جشن فتح منایاگیاتھا۔ لیکن اس تعلق سے ایک ویڈیو کلپ سوشیل میڈیا پر عام ہواتھا جس میں جشن کے دوران پاکستان نواز نعرے بازی ...

بھٹکل میں گائیوں سے بھری دو لاریوں پر حملے کے الزام میں گیارہ افراد گرفتار؛ کیاجانوروں کو بی جے پی لیڈر کے ڈیری فارم لےجایا جارہا تھا ؟

  تعلقہ کے مرڈیشور نیشنل ہائی وے پر کل رات ہوئی ہندو شدت پسند تنظیموں کے کارکنوں کی غنڈہ گردی کے واقعے کے بعد پولس متحرک ہوکر اب تک گیارہ لوگوں کو گرفتار کرنے میں کامیاب ہوگئی ہے، جبکہ دیگر حملہ آوروں کی تلاش جاری ہے۔

ڈیزل-پیٹرول کی قیمتیں اب تک کی سب سے زیادہ

ڈیزل اور پیٹرول کی لگاتار قیمتیں بڑھ رہی ہیں اور اب وہ اب تک کی سب سے زیادہ ہو چکی ہیں۔ کانگریس نے ڈیزل اور پٹرول کی قیمت پانچ سال میں سب سے اونچی سطح تک پہنچنے پر تشویش ظاہر کرتے ہوئے کہا کہ مودی حکومت کو ایندھن سے ہونے والی کمائی کا استعمال الیکشن جیتنے اور حکومتیں بنانے کے ...