بلدیہ عہدوں کے ریزرویشن میں اچانک تبدیلی۔ حکومت کی سیاسی چال؟!

Source: S.O. News Service | By Shahid Mukhtesar | Published on 8th September 2018, 8:57 PM | ساحلی خبریں |

بنٹوال8؍ستمبر (ایس او نیوز) ابھی حال ہی میں ختم ہوئے بلدی انتخابات کے نتائج کے بعدکئی بلدی اداروں میں صدر اور نائب صدر کے عہدوں کے ریزرویشن میں حکومت کی طرف سے اچانک تبدیلی کی گئی ہے جسے بی جے پی کو عہدہ حاصل کرنے سے روکنے کی ایک سیاسی چال کے طور پر دیکھا جارہا ہے۔عوامی حلقے میں یہ تاثر پید ا ہوگیا ہے کہ حکومت کی طرف سے کیے گئے اس غیر متوقع اقدام سے ایک نیا تنازعہ کھڑا ہوجائے گا۔

محکمہ شہری ترقیات کی جانب سے جاری کردہ ریزرویشن کے اصول و ضوابط کے مطابق 15میونسپالٹیوں میں صدر اور 4میونسپالٹیوں میں نائب صدر کے عہدوں پر ریزرویشن لاگو ہوگا جس میں کنداپور، کارکلا اور بنٹوال بھی شامل ہیں۔

3ستمبر کے گزٹ نوٹی فکیشن کے مطابق کنداپور، کارکلا اور بنٹوال میں صدر بلدیہ کا عہدہ عام زمرے کی خاتون کے لئے مختص کیا گیا تھا۔جبکہ نائب صدر کا عہدہ بنٹوال میں بیک ورڈ کلاس اے، کنداپور میں شیڈول کاسٹ اور کارکلا میں عام زمرے کی خاتون کے لئے مختص تھا۔مگراب نئی فہرست کے مطابق بنٹوال میں بلدیہ صدر کا عہدہ شیڈول کاسٹ کے لئے ہوگا۔ جبکہ کنداپورمیں بیک ورڈ کلاس بی کے زمرے والی خاتون اورکارکلا میں شیڈول کاسٹ زمرے کی خاتون کے حصے میں یہ عہدہ جائے گا۔

واضح رہے کہ سابقہ اصول کے تحت بنٹوال میں بی جے پی کوصدرکا عہدہ ملنے والا تھا۔لیکن اب تازہ معیار کے مطابق کانگریس پارٹی کے جناردھن چنڈتھیمار کو صدارت ملے گی۔سمجھا جارہا ہے کہ دوسرے مقامات پربھی جہاں بی جے پی کے اراکین عہدہ سنبھالنے کی توقع کررہے تھے وہاں پر اس نئے نوٹی فکیشن سے ان کا سارا حساب وکتاب بدل کر رہ جائے گا۔ 

ایک نظر اس پر بھی

جنوبی کینرا میں ڈینگی بخار کے مریضوں کی تعدادمیں ہوگیا مزید اضافہ۔ 22نئے معاملات کے ساتھ جملہ 426افرادہوئے متاثر

ضلع جنوبی کینرا میں ڈینگی بخار سے متاثر ہونے والوں کی تعداد میں دن بدن اضافہ ہوتا جارہا ہے۔ دو دن قبل ہی ڈپٹی کمشنر سسی کانت سینتھل نے بتایا تھا کہ ضلع کے اندر ڈینگی سے متاثرہ افراد کی تعداد 404ہوگئی ہے۔

بھٹکل میں ز بردست بارش؛ کئی مکانوں کے اندر پانی گھس گیا؛ سرکل سمیت نیشنل ہائی وے پر جگہ جگہ پانی جمع ہوجانے سے ٹریفک نظام متاثر؛ عام زندگی درہم برہم

بھٹکل میں آج اتوار صبح سے زبردست بارش کا سلسلہ جاری ہے جس سے  نہ صرف عام زندگی مفلوج ہوکر رہ گئی ہے  بلکہ  کئی علاقوں میں مکانوں کے اندر پانی گھس جانے سے لاکھوں مالیت کا نقصان بھی ہوا ہے۔  صبح سے جاری  مسلسل  بارش سے دوپہر دو بجے  کے بعد  شمس الدین سرکل  اور رنگین کٹہ سمیت کئی ...

بھٹکل کے قریب شیرور میں لاری کی ٹکر سے راہ گیر کی موت

پڑوسی علاقہ شیرور میں ہوئے ایک سڑک حادثہ میں ایک راہ گیر کی موقع پر ہی موت واقع ہوگئی جس کی شناخت 85 سالہ تمپا اچار کی حیثیت سے کی گئی ہے۔ حادثہ سنیچر کو اُس وقت پیش آیا جب عمر رسیدہ شخص تمپا آچار  بارش کی وجہ سے ہاتھ میںؓ چھتری تھامے  نیشنل ہائی وے کو کراس  کررہا تھا کہ ...

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

پتور میں گینگ ریپ کے بعد ویویکا نندا کالج میں طلبہ کے لئے سخت قوانین کا نفاذ۔ کلاسس معطل۔ طلبہ کے اندر اضطراب 

گزشتہ دنوں  اپنی ہم جماعت طالبہ کے ساتھ  کچھ طلبہ کی جانب سے کیے گئے گینگ ریپ کی وجہ سے سرخیوں میں آنے والے قریبی شہر پتور  کے مشہور ویویکانندا کالج میں طلبہ کے لئے نئے قوانین اور ضابطے وضع کیے گئے ہیں، جن کی پابندی کا عہد کیے بغیر کسی بھی طالب علم کوکلاس میں داخل ہونے کی اجازت ...