بنٹوال میں دو حریف سیاسی گروہوں کی لڑائی۔ ایک شدید زخمی

Source: S.O. News Service | By Shahid Mukhtesar | Published on 10th May 2018, 1:14 PM | ساحلی خبریں | ان خبروں کو پڑھنا مت بھولئے |

بنٹوال10؍مئی (ایس او نیوز) ایک معمولی بات پر دو سیاسی پارٹیوں کے حامی گروپوں کے درمیان زبردست مار پیٹ ہوئی جس کے نتیجے میں ایک شخص شدید زخمی ہونے کی رپورٹ موصول ہوئی ہے۔

بتایا جاتا ہے کہ بدھ کی رات میں ننداورمندر کے پاس ایک سیاسی پارٹی سے وابستہ کارکن کے گھر میں میٹنگ چل رہی تھی، جس میں اس پارٹی کے مقامی کارکنان بڑی تعداد میں شریک ہوئے تھے۔ میٹنگ ختم ہونے کے بعد وہ لوگ جب باہر نکلے تو مبینہ طور پر دوسری سیاسی پارٹی کے کارکنان نے ہتک آمیز نعرے لگائے۔اس کے بعد زبانی تکرار شروع ہوئی جو دیکھتے ہی دیکھتے مارپیٹ میں تبدیل ہوگئی۔اس دوران ایک شخص کو گہری چوٹیں آئی ہیں اور اسے علاج کے لئے اسپتال میں داخل کیا گیا ہے۔

ہنگامہ اور مارپیٹ کی اطلاع ملنے پر بنٹوال پولیس افسران موقع پر پہنچ گئے اور حالات کو کنٹرول کرنے کے لئے انہوں نے اس علاقے کی دکانیں بند کروادیں اور ہجوم کو منتشر کرنے کے لئے ہلکا سا لاٹھی چارج بھی کیا۔

ایک نظر اس پر بھی

بھٹکل کے مرڈیشور میں جانوروں سے بھری دو لاریوں پر نام نہاد گئو رکھشکوں کا حملہ ؛ لاری ڈرائیور اور کلینر کی بری طرح پیٹائی

یہاں مرڈیشور نیشنل ہائی وے پر جانوروں سے بھری دو لاریوں کو روک کر  لاری ڈرائیور اور کلینر کی بری طرح پیٹائی کرتے ہوئے دونوں لاریوں میں زبردست  توڑ پھوڑ کرنے کی واردات پیش آئی ہے، جس کے بعد لاریوں پر موجود  جانوروں کو راستے پر ہی آزاد چھوڑ کر  اُنہیں بھگائے جانے کی بھی اطلاع ...

بی جے پی نے جھوٹ اور غلط بیانی سے ہم کو شکست دی ہے: پرمود مادھو راج

غیر متوقع طور پر اپنے ہم جماعت اور بی جے پی امیدوار رگھو پتی بھٹ سے شکست کھانے کے بعد سابق کانگریسی ایم ایل اے پرمود مادھو راج نے کانگریسی کارکنان سے خطاب کرتے ہوئے کہا کہ بی جے پی نے منصوبہ بند طریقے سے جھوٹ اور غلط بیانی کے سہارے انہیں شکست دی ہے۔

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔

موڈبیدری میں شراب کے نشے میں دھت ڈرائیور کی وجہ سے سیریل ایکسیڈنٹ۔تین زخمی 

گاندھی نگر میں ایک شراب کے نشے میں دھت ڈرائیور نے دو مقامات پر گاڑیوں کو ٹکر ماری جس کی وجہ سے تین افراد زخمی ہوگئے ۔ موصولہ رپورٹ کے مطابق کیرالہ کا رہنے والا ساجو کمارنشے کی حالت میں جیپ ڈرائیو کرتے ہوئے منگلورو سے موڈبیدری کی طر ف آرہا تھا۔

کیوبا میں مسافر طیارہ گر کر تباہ، 110 افراد ہلاک

کیوبا میں سرکاری فضائی کمپنی کا مسافر طیارہ ایئرپورٹ کے قریب گر کر تباہ ہوگیا جس کے نتیجے میں 110 افراد ہلاک اور 3 زخمی ہوگئے۔اطلاعات کے مطابق کیوبا کی قومی فضائی کمپنی کیوبن ایوی ایشن کا مسافر طیارہ دارالحکومت ہوانا کے جوز مارٹی بین الاقوامی ہوائی اڈے کے قریب گر کر تباہ ہوا۔

امریکی شہر سانتافے کے ایک ہائی اسکول میں طالب العلم نے شروع کی فائرنگ، نو طلبہ سمیت 10 ہلاک

امریکی ریاست ٹیکساس کے ایک ہائی  اسکول میں اُسی اسکول کے ایک طالب العلم  نے اندھا دھند فائرنگ شروع کردی جس کے  نتیجے میں ایک اسکول ٹیچر سمیت 10 طلبہ ہلاک اور متعدد زخمی ہوگئے پولیس نے بعد میں حملہ آور طالب العلم  کو گرفتار کرلیا۔ جس کی شناخت ڈیمیٹروس پگورٹزیز  کی حیثیت سے کی ...