ثبنٹوال :20/ستمبر(ایس اؤ نیوز) چہارم جماعت میں زیر تعلیم نابالغہ کی عصمت دری کی کوشش کئے جانے کا واقعہ بنٹوال تعلقہ پانے منگلورو کے قریب گوڈینبلی میں پیش آیاہے۔ اس سلسلے میں بنٹوال شہری تھانہ پولس نےمعاملے کو لےکر تین ملزموں کو گرفتار کرلیا ہے۔
ملزموں کی شناخت گوڈینبلی کے مکین گجری بیوپاری شیک ابا، رزاق اور نواز کی حیثیت سے کی گئی ہے۔ تینوں ملزموں میں ایک 80برس کا بوڑھا بھی شامل ہونےکی بات کہی جارہی ہے۔ 8سالہ لڑکی نے پولس کو بتایا کہ تینوں ہوس پرستوں نے جسمانی ظلم ڈھانےکے بعداس بات کی دھمکی دی تھی کہ واقعے کے تعلق سے کسی کو نہ بتائے۔ گھروالے لڑکی کے رویہ میں تبدیلی کو دیکھنے کے بعد علاج کے لئےاسپتال میں داخل کئے تو اس کارستانی کا پتہ چلا۔ موصولہ اطلاعات کے مطابق لڑکی کے عصمت دری کی کوشش دوہفتے پہلے کی گئی تھی۔ ملزموں کے خلاف پوکسو قانون کے مطابق کیس درج کرلیاگیا ہے۔
8سالہ معصوم بچی کے ساتھ عصمت دری کی کوشش کئے جانے کی ویمن انڈیا مومنٹ دکشن کنڑا ضلع اور پی ایف آئی کی تعلقہ شاخ نے کڑی مذمت کرتے ہوئے پریس ریلیز جاری کی ہے۔ جس میں پولس افسران سے اپیل کی گئی ہے کہ معاملے کو سنگین مان کر ملزموں کےخلاف سخت کارروائی کریں اور سخت سے سخت سزا دی جائے۔