بنٹوال20؍فروری (ایس او نیوز) سرکاری راج ہمسا بس میں بنگلورو کی طرف سفر پر روانہ ہونے والی ایک لیڈی پولیس کانسٹیبل پربس کی لیڈی کنڈکٹر کی طرف سے حملہ کیے جانے کی واردات وٹلا پولیس اسٹیشن کی حدود میں پیش آئی ہے۔

موصولہ تفصیلات کے مطابق وٹلا پولیس اسٹیشن سے وابستہ دو لیڈی کانسٹیبلز ارپیتا اور سپریتااپنی سرکاری ڈیوٹی اداکرنے کے تعلق سے بنگلورو کے سفر پر روانہ ہورہے تھے۔ اس دوران سیٹ کے مسئلے کو لے کر لیڈی کنڈکٹر کے ساتھ جھگڑا شروع ہوگیا۔ وٹلا پولیس کے افسران نے مداخلت کرنے کی کوشش کی تو لیڈی کنڈکٹر پشپا آپے سے باہر ہوگئی اور اس نے ارپیتا پر حملہ کرکے اسے زخمی کردیا۔ وٹلا کمیونٹی اسپتال میں ارپیتا کی مرہم پٹی کے بعد دونو ں لیڈی کانسٹیبلز اسی بس سے بنگلورو کے لئے روانہ ہوگئیں جبکہ بس کنڈکٹر پشپا کے خلاف وٹلا پولیس اسٹیشن میں ایف آئی آر درج کرلی گئی ہے۔

وٹلا بس ڈپو کے بعض ذرائع سے پتہ چلا ہے کہ لیڈی کنڈکٹر کا رویہ بس مسافروں کے ساتھ اور اپنے افسران کے ساتھ بھی اکثر ترش رہتا ہے اور وہ ہر بار کوئی نہ کوئی تنازعہ کھڑا کرتی رہتی ہے۔