بنٹوال کے ایک گھر میں ڈکیتی انجام دینے والا ملزم گرفتار
بنٹوال:29/ اگست (ایس اؤ نیوز)تعلقہ کے موڈمکاپومیں8اگست کوموظف بینک ملازم کے گھرمیں انجام دئیے گئے ڈکیتی کے معاملےمیں بنٹوال پولس نے ایک ملزم کو گرفتارکرلیا ہے، جس کی شناخت شیموگہ ضلع ہوس نگر ، کنک بیلور کے مکین پروین (31) کے طور پر کی گئی ہے۔ معاملے میں ملوث مزید ایک ملزم فرار ہے جس کو پولس تلاش کررہی ہے۔ گرفتار شدہ ملزم کے متعلق بتایاگیا ہےکہ پروین کے خلاف بنگلورو کے اُپّار پیٹے پولس تھانہ میں قتل کی کوشش کے 3کیس درج ہیں۔
موڈمکاپو کارمل کالج کے قریب بینک کے موظف ملازم جناردھن ہولّا(58) اپنی بیوی کے ساتھ رہائش پذیر ہیں۔ 8اگست کی رات 30-09کے قریب بیوی باتھ روم چلی گئیں تو اسی دوران گھر کی گھنٹی بجی ۔ بیٹے کی آمد کا خیال کرتے ہوئے جب باپ نے دروازہ کھولاتو انجان لوگ گھر کے اندر گھس کر ہتھیاروں سے جناردھن کے سر پر حملہ کردیا اور ان کے گلے میں موجود 3تولہ سونے کی چین چھین لی ، پھر اسکے بعد پورا گھر تلاش کرنےکے بعد نکل گئے تھے۔ اس دوران اپنے شوہر کی چیخ پکار سے بیوی حیران ہوکر پاس پڑوس کے لوگوں کو مدد کے لئے پکارا ۔ اس کے بعد مقامی لوگوں کے تعاون سے جناردھن کو منگلورو اسپتال میں علاج کے لئے بھرتی کیا گیا تھا۔ کارروائی میں ضلع ایس پی ، ایڈیشنل ایس پی ، بنٹوا ل اے ایس پی ، بنٹوال انسپکٹر سمیت محکمہ کا عملہ شریک تھا۔