بنٹوال: غیرقانونی طور پر جانورلے جانے والا ٹرک الٹ گیا۔ملزمین فرار ہونے میں کامیاب
بنٹوال 13؍فروری (ایس او نیوز) چکمگلورو سے منگلورو کی طرف کنٹینر ٹرک میں بیل اور بھینس لے جاتے وقت ہانچی کٹّے نامی مقام پرٹرک بے قابو ہوکر الٹ گیا جس کے نتیجے میں ایک بیل ہلاک ہوگیا ہے۔
موصولہ رپورٹ کے مطابق کنٹینر میں 14جانور تھے جن میں9بیل اور 5بھینسیں تھیں، لیکن ان جانوروں کو غیر قانونی طور پر منگلورو لایا جارہا تھا۔ جیسے ہی بے قابو ٹرک الٹ گیا، اس میں موجود لوگ موقع سے فرار ہوگئے۔ پھر پولیس اورمقامی افراد کی مدد سے جانوروں کو الٹے ہوئے ٹرک سے باہر نکالا گیا۔ مضافاتی پولیس اسٹیشن کے سب انسپکٹر پرسنّا نے اپنے عملے کے ساتھ موقع پر پہنچ کر جائزہ لینے کے بعدمعاملہ درج کرلیا ہے۔ ضلع ایس پی روی کانتے گوڈا کی نگرانی میں ایک خصوصی ٹیم تشکیل دی گئی ہے جو اس معاملے کی تحقیقات کررہی ہے۔