بنٹوال:منگنی کی تقریب میں شراب کی فراہمی۔ ایکسائز ڈپارٹمنٹ کا چھاپہ۔شراب ضبط اورگھر کا مالک گرفتار

Source: S.O. News Service | Published on 15th April 2018, 1:16 PM | ساحلی خبریں |

بنٹوال 15؍اپریل (ایس او نیوز)بنٹوال تعلقہ کے ایرا گاوں میں منگنی کی تقریب کے دوران مہمانوں کو فراہم کرنے کے لئے شراب رکھنے پر محکمہ پولیس کے افسران نے چھاپہ مارکرانتخابی ضابطۂ اخلاق کی خلاف ورزی کا معاملہ درج کرتے ہوئے نہ صرف شراب ضبط کرلی بلکہ گھر کے مالک کو بھی گرفتار کرکے جیل میں بھیج دیا۔
بتایاجاتا ہے کہ اسٹیون ڈی سلوا کے گھر میں اس کے بھتیجی کی منگنی تھی۔ صبح ہی سے مہمان ان کے گھر پر جمع ہونے لگے تھے۔لیکن صبح 9.30بجے قریب چکمگلورو سے تعلق رکھنے والے محکمہ آبکاری کے افسران نے ان کے گھر پر چھاپہ مارااور تلاشی لینے پر وہاں 16لیٹر شراب اور بیئر کی بوتلیں موجود پائی گئیں۔ جبکہ انتخابی ضابطۂ اخلاق کے قوانین میں نجی استعمال کے لئے بھی صرف 2لیٹر تک شراب اپنے پاس رکھنے کی اجازت ہوتی ہے۔لہٰذا افسران نے ضابطۂ اخلاق کو سختی کے ساتھ لاگو کرنے کے نام پر گھر کے مالک کو گرفتار کرلیا۔ 
اس موقع پر گھر میں موجود مہمانوں اور گاؤں والوں نے افسران کو سمجھانے کی پوری کوشش کی کہ یہ ایک خوشی اور مقامی رسم ورواج سے جڑا ہوا معاملہ ہے ۔ اس کے علاوہ انتخابی ضابطۂ اخلاق کی ان شرائط سے عوام آگاہ بھی نہیں ہیں، اس لئے درگزر سے کام لیا جائے۔ مگر ایکسائز افسران نے ایک نہ سنی اور ملزم کو عدالت میں پیش کردیا جہاں اس کی ضمانت کی عرضی بھی مسترد ہوگئی اور اسے عدالتی حراست میں منگلورو کے سنٹرل جیل بھیج دیا گیا۔

اس موقع پر گھر میں موجود مہمانوں اور گاؤں والوں نے افسران کو سمجھانے کی پوری کوشش کی کہ یہ ایک خوشی اور مقامی رسم ورواج سے جڑا ہوا معاملہ ہے ۔ اس کے علاوہ انتخابی ضابطۂ اخلاق کی ان شرائط سے عوام آگاہ بھی نہیں ہیں، اس لئے درگزر سے کام لیا جائے۔ مگر ایکسائز افسران نے ایک نہ سنی اور ملزم کو عدالت میں پیش کردیا جہاں اس کی ضمانت کی عرضی بھی مسترد ہوگئی اور اسے عدالتی حراست میں منگلورو کے سنٹرل جیل بھیج دیا گیا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...