تنخواہوں میں اضافے کا مطالبہ، دو روزہ بینک ہڑتال، مالی لین دین متاثر ہونے کا خدشہ

Source: S.O. News Service | By Shahid Mukhtesar | Published on 30th May 2018, 12:06 AM | ریاستی خبریں |

بنگلورو،29؍مئی(ایس او نیوز) تنخواہوں میں اضافے کا مطالبہ کرتے ہوئے بینک ملازمین کی ہڑتال شروع ہورہی ہے۔ اس سے ملک بھر میں مالی لین دین متاثر ہوسکتاہے۔بینک ملازمین کی مانگ ہے کہ تنخواہوں میں کم از کم دو فیصد کا اضافہ کیا جائے۔ آل انڈیا بینک یونینوں نے اس ہڑتال کی آواز دی ہے۔ پچھلے تین سالوں سے بینک ملازمین کی طرف سے مانگ کی جارہی ہے کہ جن دھن اسکیم کے نفاذ ، نوٹ بندی ،اٹل پنشن اسکیم ، مدرا اسکیم اور دیگر اسکیموں کے نفاذ کے مرحلے میں بینک ملازمین نے کافی بڑھ چڑھ کر کام کیا ہے، لیکن مرکزی حکومت کی طرف سے اس کارکردگی کے عوض میں بینک ملازمین کو کچھ نہیں دیا گیا ، یہاں تک کہ پچھلے تین سالوں سے ان کی تنخواہوں میں اضافہ بھی نہیں ہوا ہے۔ سرکاری اسکیموں اور نوٹ بندی پر عمل کرتے ہوئے بینک ملازمین کے کام کاج پر جو دباؤ پڑاہے۔ مرکزی حکومت نے اس کو بھی ملحوظ نہیں رکھا، اسی کے خلاف ناراضی کا اظہار کرنے کے لئے بینک ملازمین کی طرف سے یہ احتجاج کیا جارہاہے۔ یکم نومبر 2012 سے 31؍ اگست 2017 تک بینک ملازمین کی تنخواہوں میں ہر سال ہونے والے اضافے کا اوسط مجموعی طور پر پندرہ فیصد رہا اس کے بعد سے اب تک تنخواہوں میں اضافہ نہیں کیا گیا ہے، اس ضمن میں بینک افسروں اور انتظامیہ کے ساتھ کئی دور کی بات چیت ہوئی لیکن کوئی نتیجہ اخذ نہیں ہوا ، جس کے نتیجے میں ملازمین نے ہڑتال کی آواز دی ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔