بینک ملازمین کی ملک گیر ہڑتال ، بینکنگ متاثر رہنے کا خدشہ

Source: S.O. News Service | By Shahid Mukhtesar | Published on 28th February 2017, 11:23 AM | ریاستی خبریں |

بنگلورو،27؍فروری(ایس او نیوز) پچھلے چند برسوں سے زیر التواء مطالبات کو منظوری دینے کی مانگ کرتے ہوئے کل بینک ملازمین کے متحدہ فیڈریشن کی طرف سے یک روزہ ملک گیر بینک ہڑتال کا اعلان کیاگیاہے۔ سرکاری بینکوں میں سدھار کے نام پر منظور قوانین میں کی جارہی ترمیمات ، ملازمین کو 20 لاکھ روپیوں کی گریجویٹی کے ضابطہ میں ترمیم ، تمام اسٹیٹ بینکوں کے اسٹیٹ بینک آف انڈیا میں انضمام کی مخالفت اور دیگر امور کو مدنظر رکھ کر بینک ملازمین کی طرف سے یہ ہڑتال کی جارہی ہے۔ فیڈریشن کے کنوینر ایچ ڈی رائے نے آج ایک اخباری کانفرنس میں یہ بات بتائی۔انہوں نے کہاکہ حال ہی میں مرکزی حکومت نے بینک اصلاحات کے نام پر چند بینکوں کو آپس میں ضم کرنے کی پہل کی ہے۔ جو ملازمین کو منظور نہیں ۔ اس کے علاوہ مزدور قوانین میں ترمیم لانے کی کوشش کی جارہی ہے جس سے مزدوروں کی حق تلفی ہوگی۔انہوں نے مطالبہ کیا کہ یکم جنوری 2016 سے پہلے جو قانون رائج تھے، انہیں ہی برقرار رکھا جائے۔ انہوں نے کہاکہ نوٹ بندی کے بعد بینکوں میں غیر کار آمد اثاثوں کی حد میں غیر معمولی اضافہ ہواہے، اسے کم کرنے کی طرف حکومت کو توجہ دینی چاہئے۔ اس موقع پر آل انڈیا بینکنگ فیڈریشن کے سکریٹری ایس کے سرینواس نے کہاکہ کئی بینکوں میں ملازمین کی بھرتی نہ ہونے کے سبب موجودہ ملازمین کو ہی ہنگامی کام اور نوٹ بندی کے سلسلے میں اضافی کام کا بوجھ برداشت کرنا پڑا۔ انہوں نے مطالبہ کیا کہ مرکزی حکومت فور ی طور پر پبلک سیکٹر بینکوں میں تازہ بھرتیوں کیلئے نوٹی فکیشن جاری کرے۔ بینکوں کا موجودہ عملہ کام کے دباؤ کی وجہ سے کافی پریشان ہے۔ انہوں نے مطالبہ کیا کہ بینک ملازمین کو پنشن کی ادائیگی کے نظام پر بھی نظر ثانی کی جائے۔ ان تمام مطالبہ کو منظور کروانے کیلئے کل ملک بھر میں ملازمین نے یک روزہ ہڑتال کا فیصلہ کیا ہے۔اس ہڑتال کی وجہ سے ملک بھر کا بینکنگ نظام کل متاثر رہے گا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔