گوری لنکیش قتل معاملے میں سری رام سینا کارکن پروشورام گرفتار
بنگلورو، 13؍جون ( ایس او نیوز) سینئر خاتون صحافی گوری لنکیش قتل کی جانچ کررہی خصوصی جانچ ٹیم نے اس قتل کے معاملے میں ایک اور ملزم کو گرفتار کر لیا ہے گرفتار شدہ ملزم کی شناخت سنگی کا رہنے والا سری رام سینا کارکن پروشورام (26) کے طور پر کی گئی ہے ملزم کو بنگلورو کی تھرڈ اے سی ایم ایم عدالت کے سامنے پیش کر کے خصوصی جانچ ٹیم نے 14 دنوں تک پولیس تحویل میں دینے کی گذارش کی ہے۔ منوہر یادو کی اطلاع پر ملزم پروشورام کو ایس اآئی ٹی ٹیم نے گرفتار کیا ہے۔ ملزم پروشورام اس قتل کے معاملے میں اہم رول ادا کئے جانے کی بات سامنے آئی ہے۔ اس سلسلہ میں پولیس مزید پوچھ گچھ کررہی ہے۔ عدالت میں پیشی کے بعد کورٹ نے ملزم کو 14دنوں تک ایس آئی ٹی ٹی کی تحویل میں دے دیا ہے۔ شبہ ہے کہ پروشورام نے ہی گوری لنکیش پر گولیاں چلائی ہیں۔ اس کو مہاراشٹرسے گرفتار کیا گیا ، اس کاچہر مہرہ گوری کے قاتل کے اسکیچ سے ملتا جلتا ہے۔ گرفتاری کے وقت اس کے پا س کوئی ہتھیار نہیں تھی۔ یہ بھی خبر کہ 10جون کو سنیل اگسر کو بھی گرفتار کیا تھا۔ ایس آئی ٹی کے چیف بی کے سنگھ نے کہا کہ ہماری تحقیقات میں یہ پتہ نہیں چلا کہ گولیاں کس نے چلائیں، گوری قتل معاملے میں پروشورام واگھہ مرے چھٹا گرفتار ملزم ہے۔ اس سے قبل کے ٹی نوین کمار عرف ہوٹے منجا ، امول کلے ، منوہر اچڈدے ، سجیت کمار عرف پروین اور امیت ڈگویکر کو گرفتار کیا گیا ہے۔