مرڈیشور سمندر میں ڈوب کر سیاح لاپتہ؛ تلاش جاری، سیاحوں کو بچانے والے لائف گارڈس کے پاس ایک بوٹ تک نہیں!

Source: S.O. News Service | By I.G. Bhatkali | Published on 28th July 2018, 11:43 AM | ساحلی خبریں | ان خبروں کو پڑھنا مت بھولئے |

بھٹکل 28/جولائی (ایس او نیوز)بھٹکل تعلقہ کے مرڈیشور بیچ میں نہانے کے دوران ایک سیاح سمندر میں ڈوب کر لاپتہ ہوگیا جس کی تلاش جاری ہے۔  لاپتہ ہونے والے سیاح کی شناخت کرن کمار (18) کی حیثیت سے کی گئی ہے جو بنگلور کے یلہنکا   کا رہنے والا تھا۔ واردات  آج سنیچر صبح قریب دس بجے پیش آئی ہے۔

خاندان کے نو افراد پر مشتمل یہ لوگ آج صبح مرڈیشور پہنچے تھے، چار لوگ سمندر میں تیرنے کے لئے اُتر گئے، دیگر پانچ لوگ مندر میں پوجا کے لئے چلے گئے۔ تیرنے کے دوران اچانک ایک بڑی موج آئی اور دو لوگوں کو اپنے ساتھ کافی دور لے گئی، جہاں دونوں سمندری لہروں میں بری طرح پھنس گئے۔ تیز اُٹھتی موجوں سے ان دونوں کو واپس کنارے تک آنا محال ہوگیا۔ بتایا گیا ہے کہ کنارے پر موجود لائف گارڈس نے ان دونوں کو موجوں کے درمیان گھرے ہوئے  دیکھ کر فوری اُن  کی مدد کرنے کی کوشش کی۔ لائف گارڈس نے ایک کو بچالیا، مگر دوسرے سیاح کو بچانے کافی قریب پہنچنے کے بائوجود اُس کو بچایا نہ جاسکا۔

 ایک عینی شاہد نے بتایا کہ  لائف گارڈ  کرن کمار کو  بچانے کے لئے کافی قریب  یعنی دس فٹ کے فاصلے تک پہنچ گئے تھے، مگر اس دوران  کرن کمار ڈوب کر لاپتہ ہوگیا۔ بتایا گیا ہے کہ اسے تلاش کرنے کی  کافی کوشش کی گئی مگر وہ غالباً تیز موجوں سے مزید آگے نکل گیا اور لائف گارڈس کی کوشش کامیاب نہ ہوسکی۔

ایک سیاح کی جان بچانےمیں کامیاب ہونے والے لائف گارڈ کے اہلکار ششی اور جئے رام نے بتایا کہ مرڈیشور بیچ پر سیاحوں کو سمندر کی سیر کرنے کے لئے بوٹ موجود ہے، مگر سیاحوں کو بچانے کے لئے  نہ اُن کے پاس کوئی بوٹ ہے اور نہ ہی پانی  کی بائک ہے، جس کی مدد سے فوری طور پر سیاحوں کی مدد کی جاسکے، انہوں نے بتایا کہ وہ اپنی جان پر کھیل کر سیاحوں کو بچانے کی کوشش کرتے ہیں، حالانکہ بغیر کسی  حفاظتی انتظامات کے  تیز اُٹھتی موجوں کے دوران سیاحوں کو بچانا آسان نہیں ہے۔

سمندر میں غرق ہوکر لاپتہ ہونے والے کرن کمار کے بارے میں بتایا گیا ہے کہ وہ  بنگلور کے شیواجی نگر میں ملازمت کرتا تھا، اپنی ماں، باپ، بہن، نانی اورپھوپی زاد بھائی سمیت دیگر رشتہ داروں  کے ساتھ   آج  مرڈیشور کی سیر کو  پہنچا تھا۔

مرڈیشور پولس تھانہ  میں معاملہ درج کیا گیا ہے۔ 

 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...