سرسی :11/ جنوری (ایس اؤنیوز)12دسمبر کومنائے گئے سرسی بند کے دوران ہوئے فسادات کے متعلق 62لوگوں کو دی گئی عبوری ضمانت کو منگل کی شام سرسی عدالت نے رد کئے جانے کےنتیجےمیں انہیں دوبارہ گرفتاری کا سامنا ہے۔

پریش میستاہلاکت کی مذمت میں ہندو تنظیموں نے 12دسمبر کو سرسی بند کا اعلان کیا تھا، بند منانے کےد وران وکاس آشرم کے قریب اور دیگر جگہوں پر پتھراؤ ،دکانوں اورعبادت گاہوں پرحملہ کرتے ہوئے فسادات برپا کئے جانے کے الزام میں پولس نے 62لوگوں کو گرفتارکرکے 307سیکشن کے تحت کیس درج کرنے کے بعد عدالت میں پیش کیا تھا۔

سرسی کے اول ضلع زائد جج نے سنوائی کرتےہوئے 14دسمبر کے دن 62لوگوں کو عبوری ضمانت منظورکی تھی دوسرے دن پولس نے باڈی وارنٹ کے لئے اپیل کئے تھے مگر 62لوگ ضمانت پر باہر نکلے تھے۔

اب پولس نے 62لوگوں کے خلاف ضمانتی شرائط کی خلاف ورزی کو لے کر عدالت میں ضمانت رد کئے جانے کی اپیل داخل کی تھی۔ منگل کو سنوائی کئے جج نے ضمانت کو رد کرتے ہوئے فیصلہ صادر کیا ہے۔ جس کے نتیجےمیں پھر ایک بار 62لوگ گرفتاری کے خوف سے مفرور ہونے کی اطلاعات موصول ہوئی ہیں۔ ذرائع کے مطابق پولس کی گرفتاری سے بچنے کے لئے ہائی کورٹ میں رٹ داخل کرکے ضمانت حاصل کرنے کی بات کہی جارہی ہے۔