بابو لال گور کی بہو کو ٹکٹ ملنے سے ناراض بی جے پی کارکنوں کا دفتر کے باہراحتجاج 

Source: S.O. News Service | By Jafar Sadique Nooruddin | Published on 9th November 2018, 2:24 AM | ملکی خبریں |

بھوپال :8/نومبر(ایس او نیوز/آئی این ایس انڈیا) مدھیہ پردیش اسمبلی انتخابات کے لیے جاری بی جے پی امیدواروں کی تیسری فہرست میں پارٹی نے معروف رہنما اور ریاست کے سابق وزیراعلیٰ بابو لال گور کی بہو کو ٹکٹ دیا ہے۔ بابو لال گور کی بہوکرشنا گورکے لیے پارٹی نے گووندپوراسیٹ سے ٹکٹ دیا ہے۔کرشنا غور کو ٹکٹ ملنے سے پارٹی کے کچھ کارکن ناراض ہو گئے ہیں۔ انہوں نے ناراضگی ظاہر کرتے ہوئے پارٹی کے ہیڈ آفس کے باہر مظاہرہ کیا۔ واضح ہو کہ امیدواروں کی تیسری فہرست بی جے پی نے جمعرات کو جاری کی ہے ۔ اس فہرست میں پارٹی نے 32 امیدواروں کے نام کا اعلان کیا ہے۔ 32 امیدواروں کی اس فہرست میں کنبہ پروری غلبہ رہا،دراں حالے کہ بی جے پی کنبہ پروی کے نام پر خوب سیاست کرتی رہی ہے ۔ کرشنا غور کے لیے بی جے پی نے گو ندپورا سے ٹکٹ دیا تو وہیں جنرل سکریٹری کیلاش وجے ورگی کے بیٹے آکاش کو اندور ۔3 سے امیدوار بنایا ہے۔ وہیں حال ہی میں کانگریس چھوڑ کر بی جے پی میں آئے راکیش چودھری کو بھنڈ اور پریم چند گڈ کے بیٹے کو بھی ٹکٹ دیا گیا ہے۔ سابق وزیر اجے وشنوئی کی بھی واپسی ہوئی ہے اور انہیں ٹکٹ دیا گیا ہے۔اس سے پہلے بی جے پی نے 5 نومبر کو 17 امیدواروں کی فہرست جاری کی تھی۔ وہیں دو نومبر کو بی جے پی نے 177 امیدواروں والی پہلی فہرست جاری کی تھی۔ پہلی فہرست میں تین وزراء کے ٹکٹ کاٹ دئے گئے تھے۔ مدھیہ پردیش میں 28 نومبر کو ایک مرحلے میں ووٹ ڈالے جائیں گے اور نتیجے مدھیہ پردیش، چھتیس گڑھ، تلنگانہ اور میزورم کے ساتھ 11 دسمبر کو آئیں گے۔صوبہ میں اہم مقابلہ کانگریس اور بی جے پی کے درمیان ہے۔ اسمبلی کی 230 سیٹیں ہیں۔ سال 2013 کے اسمبلی انتخابات میں بی جے پی نے 165 سیٹوں پر سال 2013 کے اسمبلی انتخابات میں بی جے پی نے 165 سیٹوں پر جیت کے ساتھ اقتدار پر اپنا قبضہ جاری رکھا تھا۔ کانگریس محض 58 سیٹیں ہی جیت پائی تھی ۔ جیت کے ساتھ اقتدار پر اپنا قبضہ جاری رکھا تھا۔

ایک نظر اس پر بھی

وزیر اعظم نے مانا کہ فضائیہ سے بغیر پوچھے بدلا رافیل کا کنٹریکٹ: راہل

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

منی لانڈرنگ معاملے میں صحافی اپیندر رائے کی ضمانت کی درخواست مسترد

دہلی کی ایک عدالت نے مبینہ طور پر زبردستی وصولی اور مشکوک مالیاتی لین دین سے متعلق منی لانڈرنگ کے ایک معاملے میں گرفتار صحافی اپیندر رائے کی ضمانت کی درخواست منگل کو مسترد کر دی۔ایڈیشنل سیشن جج راکیش سیال نے رائے کو یہ کہہ کر راحت دینے سے انکار کر دیا کہ ان کے خلاف لگے الزامات ...

مودی حکومت ملک کو برباد کرنے میں لگی ہوئی ہے: بادل

پنجاب کے وزیر خزانہ من پریت سنگھ بادل نے کہاہے کہ بی جے پی زیرقیادت مرکزی حکومت ہندوستان کی حفاظت کے بجائے اس کوبرباد کرنے میں لگی ہوئی ہے۔بادل نے کہاہے کہ بھگوان نے سب سے کمزور جانور کون سا بنایا ہے۔پنجابی میں اسے چڑی (چڑیا) کہتے ہیں۔وہ اپنی حفاظت نہیں کر سکتی

نوٹ بندی سے غریبوں پر پڑی مار، امیروں کو ہوا فائدہ:راہل گاندھی نے پھر سادھا مودی پر نشانہ؛ کہا؛اقتدار پر آنے کی صورت میں 10 دن کے اندرچھتیس گڑھ کے کسانوں کا کریں گے قرضہ معاف

کانگریس صدر راہل گاندھی نے نوٹ بندی کو لے کر وزیر اعظم نریندر مودی پر جوابی حملہ بولا اور کہا کہ نوٹ بند کرنے سے غریبوں کو نقصان ہوا اور ’سوٹ بوٹ‘ پہننے والے امیروں کو فائدہ ہوا۔چھتیس گڑھ میں 20 نومبر کو ہونے والے دوسرے مرحلے کی پولنگ سے پہلے یہاں ریلی سے خطاب کرتے ہوئے گاندھی ...

سکھ مخالف فسادات معاملوں کی جانچ رکی، وفد نے صدر سے کی مداخلت کی مانگ

باعزت شہریوں کے ایک وفد نے منگل کو صدر رام ناتھ کووند سے ملاقات کی اور ان سے درخواست کی کہ وہ 1984 کے سکھ مخالف فسادات کے معاملات کی تحقیقات کی نگرانی کے لئے قائم ایس آئی ٹی کے تیسرے رکن کے نام کو فوری مطلع کرنے کے لئے سپریم کورٹ سے کہیں۔صدر سے ملاقات کرنے والے اس وفد میں سابق آرمی ...

60 سابق افسرشاہ ہوئے مودی کے خلاف، سی اے جی پر لگایاموجودہ حکومت کی شبیہ کو بچانے آڈٹ رپورٹ میں جان بوجھ کرکررہا ہے تاخیر

60ریٹائرڈ افسران نے کیگ کو خط لکھ کر اس پر نوٹ بندی اور رافیل سودے پر آڈٹ رپورٹ کو جان بوجھ کر ٹالنے کا الزام لگایا ہے تاکہ اگلے سال انتخابات سے پہلے این ڈی اے حکومت کی شبیہہ خراب نہ ہو۔سابق حکام نے ایک خط میں کہا ہے کہ نوٹ بندی اور رافیل لڑاکا طیارہ سودے پر آڈٹ رپورٹ لانے میں غیر ...