بی فارما اور ڈی فارما کورسوں کے لئے سیٹ میٹرکس جاری
بنگلورو،27؍جولائی(ایس او نیوز) ریاستی حکومت کی طرف سے پیشہ ورانہ کورسوں میں داخلوں کے سلسلے کو امسال آگے بڑھاتے ہوئے بی فارما اور ڈی فارما کورسوں میں داخلوں کے لئے سیٹ میٹرکس جاری کردی گئی ہے ۔ اس کے علاوہ انجینئرنگ ، آرکیٹیکچر ، زرعی سائنس اور دیگر کورسوں میں داخلوں کا سلسلہ بھی آگے بڑھایا جائے گا۔ بی فارما اور ڈی فارما کورسوں میں داخلوں کا سلسلہ 25اور28 جولائی کے دوران جاری رہے گا۔بی ایس سی نرسنگ ، بی پی ٹی اور بی پی او کورسوں کے ساتھ نیم طبی زمرے کے کورسوں کے لئے کرناٹکا ایکزامنیشن اتھارٹی نے داخلوں کا عمل شروع کرتے ہوئے عرضیوں کی تقسیم بھی آگے بڑھادی ہے۔ اس کے مطابق مذکورہ بالا کورسوں کے لئے داخلے کی عرضی آن لائن درج کی جائے گی۔ کرناٹکا ایکزامنیشن اتھارٹی کے ویب سائٹ پر عرضیوں کے فارم اور بروچر شامل کیاگیاہے۔ اس کے علاوہ ایم فارما کورسوں کی تفصیل بھی اسی ویب سائٹ پر شائع کیاگیا ہے۔