سرسی11؍دسمبر (ایس او نیوز) یہاں سے قریب تگنی نامی مقام پر ایک آٹو رکشہ ڈرائیور نے کسی معاملے میں دکھی ہوکر اپنے گھر کے پاس درخت سے پھانسی لگاکر خود کشی کرلی ہے۔

مہلوک رکشہ ڈرائیور کی شناخت  منوہر کچیر کی حیثیت سے کی گئی  ہے۔وہ گھر والوں کورات کے وقت اپنے کھیت میں جانے کی بات کہہ کر چلاگیا تھا، لیکن بڑی دیر تک واپس نہ لوٹنے پر اس کا بھائی اسے ڈھونڈنے کے لئے نکلا ۔ پھر جب وہ کھیت کے قریب جاپہنچا تو دیکھا کہ وہاں منوہر کی لاش درخت سے لٹک رہی تھی۔معاملے کی اطلاع ملنے پر بنواسی کے اے ایس آئی کملاکر اور دیگر عملے نے موقع پر پہنچ کر معائنہ کیااورکیس درج کرلیا۔

خود کشی کی کوئی وجہ سامنے نہیں آئی ہے۔ پولیس مزید تحقیقات کررہی ہے۔