ایودھیا کا ماحول گرم کرنے کی کوششیں ، 10 ہزار نوجوانوں میں ترشول تقسیم ، ضرورت پڑنے پر مزید ترشول کی ہوگی تقسیم : دیویندر مشرا 

Source: S.O. News Service | By Jafar Sadique Nooruddin | Published on 18th November 2018, 2:28 AM | ملکی خبریں | ان خبروں کو پڑھنا مت بھولئے |

لکھنؤ :17/نومبر(ایس او نیوز/آئی این ایس انڈیا) رام مندر تعمیر کے لیے آر ایس ایس سے منسلک تنظیموں نے بڑے پیمانے پر تیاری شروع کر دی ہے۔ اس کے تحت وی ایچ پی کی یوتھ وِنگ یعنی بجرنگ دل نے نئے سرے سے ترشول چلانے کی تربیت دینی شروع کر دی ہے۔

6/ دسمبر 1992 کو بابری مسجد شہید کرنے کے بعد بھلے ہی ایودھیا میں زمین کا معاملہ  سپریم کورٹ میں زیر التوا ہے، لیکن آر ایس ایس (راشٹریہ سویم سیوک سنگھ) اور اس سے وابستہ تنظیموں نے بڑے پیمانے پر ایودھیا میں مندر تعمیر کرنے کے لیے ماحول گرم کرنے کی کوششیں شروع کر دی ہیں۔ وی ایچ پی کی یوتھ وِنگ بجرنگ دل نے تین سال پہلے جو اپنا ترشول تربیتی پروگرام بند کر دیا تھا، اسے پھر سے شروع کر دیا گیا ہے۔ اس کے تحت اودھ علاقہ کے تقریباً 10 ہزار کارکنان کو ترشول تقسیم کیے جا رہے ہیں۔آخر اس ترشول ٹریننگ کا مقصد کیا ہے؟ اس بارے میں وی ایچ پی کے سینئر لیڈر دیویندر مشرا کہتے ہیں کہ 10 ہزار کارکنان کی ایک ٹیم تیار کی جا رہی ہے۔ رام بھکتوں کی اس ٹیم کو اس طرح تیار کرنا ہے کہ وہ کسی بھی جگہ کم از کم وقت پر پہنچ سکیں۔

دلچسپ بات یہ ہے کہ بجرنگ دل نے دارا سنگھ قتل کے بعد پیدا تنازعہ کے سبب ترشول ٹریننگ کا پروگرام خود ہی بند کر دیا تھا۔ لیکن ذرائع کا کہنا ہے کہ چوری چھپے ٹریننگ کا کام چلتا رہتا ہے۔ لیکن اتنے بڑے پیمانے پر گزشتہ تین سال میں کبھی ترشول چلانے سے متعلق تربیتی پروگرام کا انعقاد نہیں کیا گیا۔بجرنگ دل کو ترشول سے اتنا لگاؤکیوں ہے؟ اس سوال پر دیویندر مشرا کا جواب ہے کہ ’’ترشول ہندو دھرم کا ناقابل فراموش حصہ ہے۔ ہم ترشول دے کر نوجوانوں کو ہندو ہونے پر فخر کا احساس کراتے ہیں‘‘۔

مشرا مزید کہتے ہیں کہ ’’جہاں جوانی جاتی ہے، وہیں ملک جاتا ہے۔ اس لیے ہم نوجوانوں پر ہی توجہ مرکوز کر رہے ہیں‘‘۔ انھوں نے بتایا کہ ایودھیا۔فیض آباد علاقہ کا سنٹر ہے، اس لیے اسے ہی فوکس میں رکھا گیا ہے۔ دیویندر مشرا نے یہ بھی بتایا کہ اگر ضرورت پڑی تو باقی علاقوں میں بھی ترشول کی ٹریننگ کے لیے پروگرام کا انعقاد کیا جائے گا۔

ایک نظر اس پر بھی

مودی پھر جیتے تو ملک میں شاید انتخابات نہ ہوں: اشوک گہلوت

کانگریس کے سینئر لیڈر اور راجستھان کے وزیر اعلی اشوک گہلوت نے منگل کو نریندر مودی حکومت کے دور میں ’جمہوریت اور آئین‘ کو خطرہ ہونے کا الزام لگاتے ہوئے دعوی کیا کہ اگر عوام نے مودی کو پھر سے اقتدار سونپا، تو ہو سکتا ہے

بھٹکل کے ایک اُردو اسکول کے کمپائونڈ میں خون کے دھبے اور کھڑکی کے ٹوٹے گلاس پائے جانے کے بعد زبردست ہاتھاپائی ہونے کا شبہ

یہاں مدینہ کالونی ، محی الدین اسٹریٹ  میں واقع  اُردو ہائیر پرائمری اسکول  کی دیوار اور صحن پرجابجا  خون کے دھبے سمیت ایک کھڑکی کا شیشہ ٹوٹا ہوا پائے جانے  کے بعد شبہ ظاہر کیا جارہا ہے کہ یہاں رات کو زبردست ہاتھاپائی یا ماردھاڑ کی واردات رونما ہوئی ہے۔ واقعے کے بعد  اسکول کے ...

اسد الدین اویسی نے حیدرآباد پارلیمانی سیٹ سے پرچہ نامزدگی کیا داخل

لنگانہ میں لوک سبھا انتخابات کے اعلامیہ کی اجرائی کے بعد سب سے پہلے صدر مجلس و رکن پارلیمنٹ حیدرآباد بیرسٹر اسدالدین اویسی نے آج حیدرآباد لوک سبھا  سیٹ سے مجلس کے امیدوار کی حیثیت سے اپنا پرچہ نامزدگی داخل کیا ہے۔

انڈونیشیا میں سیلاب سے 77 لوگوں کی موت، 4000 سے زیادہ لوگوں کو بچانے کی کوشش

انڈونیشیا کے مشرقی علاقہ کے پاپوا صوبے میں سیلاب اور مٹی کے تودے گرنے کے واقعات میں مرنے والوں کی تعداد بڑھ کر 77 ہو گئی ہے۔ ان حادثوں میں 116 زخمی بھی ہوئے ہیں۔  وہیں تقریبا 4000 لوگوں کو بچانے کی کوشش کی جا رہی ہے۔

ہوناور میں تمام سہولیات سے آراستہ پہلے "سٹی سنٹر " کا شاندار افتتاح : کئی برانڈڈ کمپنیوں کے اسٹال؛ خریداری کی ہر چیز ہوگی دستیاب

 ہوناورسمیت اطراف کے  عوام  کو اپنی ضروریات کی خریداری کے لئے  دور دراز شہروں میں جانے کی ضرورت  نہیں ہوگی کیونکہ شہر میں  ایک شاندار  ’’سٹی سنٹر  ‘‘ کا افتتاح عمل میں آیا ہے۔ کرناٹکا مائنارٹی ڈیولپمنٹ بورڈ کے سابق چیرمن سلیمان یو تلکھنی کے ہاتھوں آج  بروز پیر اس پہلے ...

بغیر لائسنس کا ریوالوررکھنے پر سابق وزیر آنند اسنوٹیکراوران کے 2 ساتھیوں پر کیس درج۔ ریوالور اور کار ضبط

لائسنس رینیو کیے بغیرریوالور رکھنے کے الزام میں سابق ریاستی وزیر اور درپیش پارلیمانی انتخاب میں جنتا دل اور کانگریس کے مشترکہ امیدوار سمجھے جانے والے آنند اسنوٹیکر اور ان کے دیگر ساتھیوں پر کیس درج کیا گیا ہے۔