منگلورو میں اے ٹی ایم سے رقم چرانے کی کوشش۔ ایک ملزم گرفتار

Source: S.O. News Service | By I.G. Bhatkali | Published on 12th January 2019, 1:46 PM | ساحلی خبریں |

منگلورو 12؍جنوری (ایس او نیوز) مینگلور اتّاور کے موسرو کوڈیکے کٹّے نامی علاقے میں کارپوریشن بینک کے اے ٹی ایم بوتھ میں گھس کر مشین سے رقم اڑانے کی کوشش کرنے والے ایک ملزم کو پانڈیشور پولیس نے گرفتارکرلیا ہے۔

موصولہ رپورٹ کے مطابق گرفتار شخص کا نام جیا راجہ (۴۴سال) ہے، جو کہ تھوکٹّو کارہنے والا ہے۔اس نے جمعرات کی رات کو  اے ٹی ایم مشین کو توڑنے کی کوشش کی مگر ناکام ہونے کے بعد پھر وہیں پر چکر لگا  رہاتھا۔اس کی حرکت کو دور سے دیکھنے والے ایک شخص نے فوری طور پر پولیس کو اس بات کی اطلاع دی۔جب پولیس ٹیم موقع پر پہنچی تو پولس نے بھی نوٹس کیا کہ جیا رام ابھی بھی وہیں پر چکر کاٹ رہا ہے ۔ پولیس نے اس سے پوچھ تاچھ کی تو اس نے اپنے آپ کو پینٹر بتایا۔

اے ٹی ایم بوتھ میں لگے سی سی کیمرے کے فوٹیج سے معلوم ہوا کہ جیارام نے مشین سے رقم چرانے کی کوشش کے دوران اپنے  چہرے  پر نقاب چڑھا رکھاتھا۔پولیس انسپکٹر محمد شریف، سب انسپکٹر منجولا اور دیگر اہلکاروں نے اس کارروائی میں حصہ لیا۔

ایک نظر اس پر بھی

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...

اڈپی کے موٹر بائک شوروم میں بھیانک آتشزدگی۔ فائربریگیڈ کی بروقت کارروائی سے ٹل گیا سنگین حادثہ

یہاں اندرالی ریلوے پل سے قریب واقع ہیرو ہونڈا موٹربائک کے جئے دیوا شو روم میں اتوار کی شب میں بھیانک آتشزدگی کا واقعہ پیش آیا۔ چونکہ اس شوروم سے متصل پٹرول بنک موجود ہے اس لئے حادثہ سنگین رخ اختیار کرنے کے امکانات پیدا ہوگئے تھے، لیکن فائر بریگیڈ عملے کی بروقت کارروائی کی وجہ ...

منگلورو میں ڈینگی بخار کے 40مشتبہ مریض اسپتال میں داخل۔ریاستی سطح پر% 70ملیریا کے معاملات منگلورو میں درج ہوئے

گزشتہ تین ہفتوں کے دوران منگلورو کے گجّر کیرے نامی علاقے میں ڈینگی بخار کے 40مشتبہ مریض اسپتال میں داخل کیے گئے ہیں تفتیش کے بعد ان میں سے ایک معاملے میں ڈینگی بخار کی تصدیق ہوگئی ہے۔

منگلورو ایئر پورٹ پر 20.67لاکھ روپے مالیت کا سونا ضبط

منگلورو انٹرنیشنل ایئر پورٹ پر سونا اسمگلنگ کرنے کی کوشش کو ناکام بناتے ہوئے کسٹم کے افسران نے ایک مسافر کے قبضے سے 24کیریٹ کا608  گرام سونا ضبط کرلیا جو مسافر نے پیسٹ کی شکل میں اپنے مقعد میں چھپاکر رکھا تھا۔

کاروار میں شراب کے نشے میں دُھت کار چلانے کے دوران چار سواریوں کو ٹکر دینے کے بعد عوام نے نیوی اہلکار کی لی خوب خبر

نیوی اہلکار کو کاروار میں  اُس وقت عوام  کے ہاتھوں بری طرح    پٹنا پڑا جب  شراب کے نشے میں ڈرائیونگ کرنے کے دوران اس کی کار  یکے بعد دیگرے چار کاروں سے ٹکرا گئی۔ واردات  کاروار کے بِنگا میں کدمبا نیوی کے گیٹ کے قریب سنیچر شب کو  پیش آیا۔